觀塘樓上輕食Cafe $33起歎自家超脆牛角包餐

發佈: 2017.03.20
文:

維恩烘焙進駐觀塘幾年,自家出品的蛋糕和Macaron向來受歡迎,Facebook上更累積很多Fans。

多款甜品當中,芝士蛋糕最受歡迎,除了人氣Blueberry Cheesecake外,還有季節限定的士多啤梨口味。件裝蛋糕每件約$20(跟餐加$12),一磅裝原個只需$78,供4-6人Share都得,很抵食呢!

觀塘樓上輕食Cafe $33起歎自家超脆牛角包餐

觀塘樓上輕食Cafe $33起歎自家超脆牛角包餐

Cheesecake每日於店內新鮮製作,蛋糕口感綿密,入口慢慢融化;味道微甜,不似坊間出品般酸,配搭面層的果醬,好味!

甜食以外,小編發現餅店最近原來還供應一系列熱食和麵包,價錢跟芝士蛋糕一樣合理相宜呢,就睇睇味道是否跟店內的蛋糕一樣,令人滿意。

觀塘樓上輕食Cafe $33起歎自家超脆牛角包餐

熱食的最大亮點,落在餅店自家製的「勁鬆脆牛角包」之上!跟蛋糕一樣,牛角包每日於店內新鮮現製,在搓皮時用了小秘訣,麵包特別酥香。進食時要小心,免得咬開時食到全身碎屑呢~

觀塘樓上輕食Cafe $33起歎自家超脆牛角包餐

不論是All day breakfast($58/$78),抑或下午茶套餐(2:30pm-6pm供應),均會配搭牛角包。

下午茶相對抵食,$33就食到芝士滑蛋大牛角包(連飲品),一份有齊雞翼(或炸豬扒)、焗豆、沙律和炒蛋的茶餐,連同咖啡只需$45,份量當午餐都夠。

觀塘樓上輕食Cafe $33起歎自家超脆牛角包餐

牛角包以外,店內的炒蛋都值得一讚!加入忌廉,用中細火一邊攪拌一邊炒,上碟半熟黏住蛋液,滑不溜口,連同牛角包一同享用,一軟一脆最好不過。

觀塘樓上輕食Cafe $33起歎自家超脆牛角包餐

全日供應的All Day breakfast比下午茶多出兩、三款食品,比較起來驚喜不大,香腸和蘑菇未見有煎/烤香,如果想試店內的招牌食品,order價錢平一點的下午茶就已足夠!

觀塘樓上輕食Cafe $33起歎自家超脆牛角包餐

店內空間比較少,只能同時容納十幾人,行開附近又想試牛角包/滑蛋的話,不妨外賣拎去附近海旁慢慢歎。

觀塘樓上輕食Cafe $33起歎自家超脆牛角包餐

地點:觀塘開源道60號駱駝漆大廈3座4樓i室   

開放時間:12nn-8pm(逢星期日休息)

電話:2770-0031

 

 

文:HK港生活

↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓


↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

more