食熊本熊家鄉名產兼換精品

發佈: 2017.04.07

好鍾意食丼飯,但來來去去都係拖羅海膽,有啲悶。豊洲水產海鮮丼專門店最近就舉行為期兩個月的熊本祭,熊本限定餐牌內有好多新奇嘢,好似首次輸出海外、超肥美濃香的極品八代鏡蠔,還有熊本縣西南部的島群天草的特產,包括有不同顏色的彩貝、琵琶蝦、飛天黑鮪、鯖魚等,仲有熊本鮮製海苔,用來炮製丼飯、小食、燒物和炸物,新鮮感十足。現凡惠顧熊本祭餐牌中一款丼類食品,更可獲得印花一個,儲滿 5 個可換領 Kumamon 筷子或毛巾,儲滿 10 個可換限量 T-shirt 一件,粉絲咪錯過!

凡於推廣期間惠顧熊本祭餐牌中一款丼類食品,即可獲贈印花一個,儲夠數仲可換領 Kumamon 精品。

食熊本熊家鄉名產兼換精品

熊本天草八代鏡蠔 $48
熊本天草八代鏡蠔為八代市鏡町八代海養殖蠔的品種,首次輸出海外,肉質豐厚肥美,入口 creamy,生吃吃到新鮮海水味,熟食濃香;貝柱位較一般蠔大,好吃。

食熊本熊家鄉名產兼換精品

熊本天草飛天黑鮪大滿貫丼 $298
以熊本天草的飛天黑鮪做主角,丼飯有大拖羅、中拖羅和赤身各 3 片,仲有葱拖羅蓉、飛天黑鮪面頰和魚鮫肉等,完全滿足吞拿迷!

熊本海鮮天婦羅丼 $278
熊本天草產的琵琶蝦和彩貝,顏色好鮮艷!丼飯有炸琵琶蝦、炸貝柱和裙邊,金黃香脆又吃到鮮味;配熊本河內鹽味海苔和醃製海苔,佐飯一流。

豊洲水產海鮮丼專門店
地址:油麻地彌敦道 558-560 號譽發廣場 1 樓
電話:2869 6289
營業時間:11am-12mn(last order 11:30pm)
備註︰1. 熊本祭由即日至 4 月 30 日舉行。油麻地新店和銅鑼灣店均設有熊本祭限定餐牌。2. 禮物數量有限,換完即止。

原文刊載自U Magazine

↓【限時搶⚡】 Midea美的25公升氣炸焗爐!↓

↓ 結合「氣炸」同「烘焙」︱0.2秒即熱︱7種烹調模式↓


↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

more