周一至六都有! 中環抵食泰式半自助餐

發佈: 2017.04.10

泰國菜和自助餐,都係香港人至愛,香港鮮有全泰式自助餐出現。中環泰國餐廳 My Tai Tai 就首度推出半自助泰菜晚餐,泰式頭盤和甜品任吃,自選一款主菜,每位 $288 起跳,以中環區來講,以餐廳的級數消費來講,都算抵。
自助頭盤和沙律有 15 款之多!傳統泰式柚子沙律和香茅海鮮沙律清新清爽,肉鬆脆米餅脆卜卜兼甘香。主菜更精采,十揀一,款款都想試!最吸精係青檸蒜蓉辣椒蒸魷魚,魷魚原條上,酸酸辣辣;愛咖喱的別錯過芭堤雅風味海鮮咖喱,以薄餅沾來吃,香辣富鮮味。大路的海南雞飯水準不錯,清邁風味的豬肉湯麵,配蔬菜、炸豬皮、芫茜和乾葱吃,泰國街頭風味滿瀉。
自助甜品係最 classic 花款,好像斑蘭千層糕、椰青啫喱、芋頭奶凍、南瓜奶凍和椰子西米布甸等,仲有新鮮水果,以為自己去了泰國夜市!最難得是半自助晚餐由星期一至星期六都吃得到,有 4 個半小時讓你慢慢揀,慢慢吃,禁唔到泰國平機票,就來吃一餐止癮!

自助甜品 corner,款式多屬傳統的,心水有椰青啫喱、南瓜奶凍和芋頭奶凍。

周一至六都有! 中環抵食泰式半自助餐

青檸蒜蓉辣椒蒸原條魷魚(主菜之一)
原條以火爐㷫住上,酸香熱辣辣,魷魚新鮮,帶蒜香和青檸清新,邊吃辣味邊滲出來。

周一至六都有! 中環抵食泰式半自助餐

自助頭盤沙律琳瑯滿目,多達 15 款,豬肉鬆脆米餅、香茅海鮮沙律等最受歡迎。

芭場雅風味海鮮咖喱配薄餅(主菜之一)
海鮮咖喱富濃郁香料味,辣度適中,質感濃厚,用薄餅沾汁,吃不停口。

My Tai Tai
地址:中環攞花街 8 號 2 樓
電話:2896 6018
半自助晚餐供應時間:星期一至六 6pm-10:30pm
收費:$288/ 位至 $388/ 位(視乎所選主菜而定),設加一

原文刊載自U Magazine

↓【限時搶⚡】 Midea美的25公升氣炸焗爐!↓

↓ 結合「氣炸」同「烘焙」︱0.2秒即熱︱7種烹調模式↓


↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

more