高難度! 傾斜倒插汽水沙冰

發佈: 2017.05.18
文:

在相機食先的年代,飲品唔單止要好飲,賣相仲要夠爆。呢幾杯飲品夠爆吧!其實玻璃樽裝維他奶和汽水公認比紙包和膠樽裝好飲,「香港地」再玩大啲,唔單止用來配沙冰,仲倒轉、傾斜再插進沙冰內奉客!這個 Style,似足以啤酒倒插入伏特加冰沙的韓式 cocktail 一樣,研發這飲品的大廚亦坦言靈感源自韓風飲品,推出大半年,一直大受歡迎。

點樣可以做到倒轉、固定又唔倒瀉?原來店方訂製咗一個膠托,放在杯子上承托着樽身,當然飲品分量要調校得啱啱好,先用 1/3 枝用來調製沙冰,餘下的用來倒插。以為好簡單,廚師們要經過不斷試驗、調校才做出這「高難度」動作。

飲品有 4 款,每款都配上味道搭調的沙冰。維他奶與紅豆冰是絕配;忌廉,當然是溝鮮奶沙冰才有懷舊 feel,加入呍呢嗱雪糕一齊打,香甜濃厚;芬達配鮮橙菠蘿沙冰,充滿夏日風情;雪碧則配檸檬士啤梨沙冰,仲食到粒粒果肉。一邊飲,在樽內的汽水不斷倒進杯內,飲極都仲有,飲品師傅話,一杯普通凍飲大約有 16 安士,呢杯倒立汽水 + 沙冰足 24 安士,抵飲啦!

倒插飲品的分量、角度和方法都經過耐心鑽研,才能做到不翻側、不滿瀉。

高難度! 傾斜倒插汽水沙冰

沙冰收到柯打才溝材料即打;當中紅豆沙冰以維他奶代替椰汁和忌廉,感覺較輕盈。

高難度! 傾斜倒插汽水沙冰

鮮奶冰配枝裝忌廉 $34
沙冰以鮮奶加一球呍呢嗱雪糕打成,滑溜之餘仲好香,係升級版忌廉溝鮮奶。

香橙菠蘿沙冰配枝裝橙味芬達 $34
用鮮橙和菠蘿肉加菠蘿糖漿打沙冰,酸酸咪咪很富熱帶氣息,同芬達好 match。

粒粒紅豆沙冰配枝裝維他奶 $34
紅豆沙冰以大粒紅豆蓉加忌廉奶和維他奶打成,香甜幼滑,有沙沙質感;配荳奶膩感和甜度減低,好飲。

草莓檸檬沙冰配枝裝雪碧 $34
雪碧比較清新,配酸咪咪的草莓檸檬沙冰最搭調;沙冰用檸檬加士多啤梨果醬打成,酸酸的好啱春夏飲。

特製膠托,用來承托玻璃樽,都算穩陣。

香港地
地址:荃灣眾安街 68 號荃灣千色匯 1 期 2 樓 2032 號舖
電話:2895 5091
營業時間:8am-10pm
註:奧海城、POP CORN、新港城、美孚、山頂凌霄閣、土瓜灣分店有售。

原文刊載自U Magazine

↓【限時搶⚡】日清盈優青汁套裝!↓

↓ 日本製造 / 2款口味:清爽蘋果味、濃厚白桃味!


↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

more