又多間韓國著名食店抵港，今次不是炸雞，而是大大份的鐵板炒雞！消息傳了一段日子，「柳氏家」韓國人氣連鎖鐵板雞專門店最近終於登陸香港，在沙田新城市廣場開設海外分店，最平$88即可食勻炒辣雞+自助吧上多款任食食品。
柳氏家於韓國共有超過140家分店，主打傳統鐵板雞，招牌炒辣雞深受當地人歡迎，中國、台灣、新加坡等地亦有設有分店。
品牌來到香港，為配合港人口味，首次推出4款不同辣度的招牌鐵板雞任食放題，包括「柳氏家辣炒雞」、「炭烤味辣炒雞」、「烤肉味炒雞」、「蜜糖味噌炒雞」，再配合多款獨家醬汁，帶出韓式風味。
雞件炒開細細件，預先去骨，軟腍入味。
每份鐵板雞均會配上3款口味的年糕，拌入去炒泡菜，原味、芝士、番薯的味道其實分別不大，不過口感煙煙韌韌，叫人食完一件接一件。
炒辣雞以外，每位食客更可加配海鮮（加$30起），雜錦海鮮包含青口、大蝦、大細八爪魚，爽口彈牙，拌入鐵板炒熟，鮮味隨即逼出，值得追加！
新店更會供應芝士圍爐（加$30/份），可配搭辣雞或各種配料享用，滿足一班芝士迷；跟餐還附送炒飯或韓國拉麵，推介粒粒分明的炒飯，吸盡辣雞汁非常惹味！
午餐及晚餐時段，餐廳更設自助任食區，供應多款韓國美食、飲品及甜品，包括辣炒五花腩、韓式燉牛肋骨、水冷麵、宮廷炒年糕等，同時有超過20款飲品可供任飲。
參考一下各時段放題收費：
1. 午市60分鐘 $88起
包括炒雞1次，及無限次享用放題區美食、飲品及甜品
2. 午市90分鐘 成人 $138起 小童及長者 $98起
包括無限追加炒雞，及享用放題區美食、飲品及甜品
3. 晚市90分鐘 成人 $198起 小童及長者 $138起
包括無限追加炒雞，及享用放題區美食、飲品及甜品
「柳氏家」
地點:沙田新城市廣場一期7樓709號鋪
開放時間:12nn-11pm
電話:3571-9993
文：HK港生活
