主打港式火鍋的「火鍋本色」，最近於西環堅尼地城分店，推夏日限定的「海鮮刺身雞煲火鍋放題」，除包括多款任食配料外，更有海鮮拼盤、任食刺身及雞煲等，食品選擇夠多，食足兩個鐘，絕對滿足一班火鍋精！
火鍋放題打頭陣有海鮮拼盤，每兩位食客光顧放題店內就會送一客，由廚師精選6款不同海鮮，包括：南非龍蝦、波士頓龍蝦、奄仔蟹、深海龍躉片、帆立貝、蘇格蘭蟶子、鮑魚、海蝦及美國桶蠔等等，款式按季節供應。
放題亦供應任食煲類，食客可自選麻辣雞煲及冰梅桂皮鴨煲，選好一款便可無限添食。三文魚、甜蝦，貴妃鮑片及螺片等刺身亦是任食，放題另包括飲品任飲。
打邊爐最重要的一環當然是湯底，除豬骨湯、沙嗲及麻辣湯底外，冬瓜瑤柱火腿、金銀菜白肺及胡椒豬肚等湯底亦有供應。
店內的火鍋任食配料超過60款，必食的包括牛柳粒、牛舌、日本黑豚腩、花雕雞件及脆鯇等等。
手打牛丸、手打鯪魚球、豬膶、豬腰及豬肺等打邊爐必備食品都有供應，麵食亦有稻庭烏冬及出前一丁，絕對夠飽肚！
「海鮮身雞煲火鍋放題」於星期一至日都有供應，每位收費$298，有興趣的朋友可以一試！
火鍋本色 堅尼地城 Hotpot Instinct Kennedy Town
地址： 金豪閣 Belcher's 1/F, 卑路乍街堅尼地城
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
