暑假快到，不少人都會去大圍踩單車到大尾督放假放鬆一下。大圍地鐵站附近不少小食店，特色撕雞腸粉、肉餅包、海南雞手卷等小食名物，適合大家醫飽肚，再出發踩單車！
第 1 站 華輝小食
出名手撕雞腸粉 ($30)，雞絲連皮上，有由原味至地獄辣中間有7級辣度選擇，即叫即做，熱辣辣。手撕雞加上麻油及秘製辣醬汁，雞肉入味微辣。腸粉上淋有石磨製作的芝麻醬和芝麻，腸粉薄身惹味。
留意點餐後店員會派一部籌號機，腸粉做好後會叫籌號，然後才付錢。
地址：大圍大圍道71號富家花園地下28號鋪
第 2 站 肥仔海南雞
當海南雞遇上日式手卷有會什麼化學反應？伏味還是意外的滋味？大圍小食店就創意將兩者完美結合，推出海南雞手卷($15)。手卷即叫即做，紫菜脆脆包滿油飯、無骨雞肉及青瓜條，再淋上黑豉油、酸辣汁及薑蓉，配搭清新。手卷足料啖啖肉，如迷你版海南雞飯般，份量不算多，一隻手握得住，作街頭小食好方便，不過小心醬汁會漏出來。
另外有從泰國直送的椰青波波($38)，椰肉已經剝好，椰青水味道香甜，不過價錢算高。
留意海南雞手卷只在下午2至6時供應，小食店還有新加坡無骨海南雞($78/半隻, $138/全隻)和其他特色滷水。
地址：大圍大圍村南道41號地鋪
電話：56240093
第 3 站 金城茶餐廳
大圍出名茶餐廳以招牌肉餅及椒鹽豬扒飯馳名，肉餅漢堡包（$38）原塊厚身肉餅以豬肉加馬蹄等以手剁而成，加上洋蔥及生菜絲，肉餅外脆內軟，無醬汁都很juicy，份量十足。
另外椒鹽豬扒飯($52)豬扒肉質鬆軟不乾，配上香口辣椒蔥粒拌飯，非常滋味。
必食更有自家製的菜脯，味道鹹鹹辣辣，在場很多食客都會伴肉餅飯來吃，一解肉膩感。
地址：大圍積福街100號
第 4 站 坤記腸粉
街坊推介抵食腸粉小食店，自家製腸粉($11/ 6條)，加上炒香芝麻、自調花生醬、甜醬及豉油，腸粉滑溜帶米香。另有粉菓($9/2個)內餡足料，裡面有大大粒花生和馬蹄。
還有地道小食如豬皮蘿蔔、魚蛋燒賣、手工自製的傳統砵仔糕等
小食店外有兩張長枱供食客即場食，建議怕熱的朋友外賣帶走食。
地址：大圍積富街石屋(近積德里)
第 5 站 Platform
台灣人開的Cafe，環境幽靜舒適，店內有自家製作的Bagel麵包，有三種口味選擇，分別是原味、芝士和芝麻，每款會配沙律。
特色飲品有Tonic Bomb($45)及經典棉花糖朱古力特飲($42/熱; $45/冷)，Tonic Bomb味道酸酸地，似有汽的咖啡味汽水；芒果味棉花糖融掉在朱古力特飲內，使整杯味道更甜。
甜品HIT ME!!敲我朱古力（$80），由朱古力脆皮磚、咖啡蛋糕、雲呢拿雪糕和Brownie層層疊上而成。
吃前淋上糖醬，再敲碎最上面的朱古力磚內的白朱古力醬立即流出，味道層次豐富，不太甜。
地址：大圍田心村254號地鋪
第 6 站 興姐糕點
自家製足料糕點，每日製造多款糕點甜品如芒果布甸、椰皇糕、桂花糕等，每款$10至$13便有交易。
芒果布甸($10)味道香甜，芒果果肉佈滿全個布甸，價錢抵食。
南瓜紅豆糕($12)分了兩屠，上層是南瓜蓉，天然南瓜清甜味，下層是紅豆蓉，落料非常足，有粒粒紅豆。
地址：大圍積德里6號
第 7 站 權記車仔麵
平民美食車仔麵，除了餸菜配料外，另一靈魂醬汁湯底都非常重要，權記車仔面除有普遍辣汁、咖喱及牛腩汁外，更有特別秘製的瑞士汁，令湯頭變得甜潤增添味道。配上瑞士汁雞翼，肉質軟熟，很容易就骨肉分離。而辣魚蛋是選用陳皮魚蛋，香辣滋味，質感偏紮實。
地址：大圍積信街大圍村2街1號地舖
