將軍澳必去打卡熱點 夏日甜品逐個捉

發佈: 2017.07.13
文: cc

 

夏日炎炎,就算無緣去旅行,去TKO Gateway一樣有出走外國嘅感覺!TKO Gateway嘅餐廳裝潢別緻舒適,加上精美嘅甜品造型,相機食先是常識吧!夏天胃口麻麻,識歎梗係去TKO Gateway,一邊品嚐特色甜品,一邊影相打卡,同樣可以令身邊朋友羨慕一下!

 

MAXIM’S AND YOU 蛋糕控的下午茶樂園

將軍澳必去打卡熱點   夏日甜品逐個捉

將軍澳必去打卡熱點   夏日甜品逐個捉

MAXIM’S AND YOU以家居環境作設計主調,更有特色牆俾你影相放閃,老闆仲話每幾個月就會轉一次款,令到客人每次嚟到都會有啲唔同嘅驚喜。除咗環境靚之外,佢哋嘅蛋糕、焗薯賣相精緻,絕對可以秒殺無數菲林。唔少人都推介「開心果忌廉紅茶蛋糕」,香濃鬆軟嘅紅茶蛋糕夾住開心果同幼滑忌廉,一啖咬落去,口感同味道都相當豐富,配搭香滑「鮮奶咖啡」簡直係絕配!而「煙肉配酸忌廉美國焗薯」嘅薯仔鬆鬆軟軟,灑上煙肉同酸忌廉,滋味十足。食物環境都咁有質素,難怪下午茶時間都要排隊;MAXIM’S AND YOU的確係嘆咖啡、打書釘嘅最佳地點。

 

店鋪號碼︰E151

電話︰2608 9502

營業時間︰星期一至五︰11am-10pm;星期六、日及公眾假期︰9am-10pm

 

XOXO Cafe Lab 抱抱甜蜜綿花糖

將軍澳必去打卡熱點   夏日甜品逐個捉

另一個小編極愛嘅影相位就喺XOXO Cafe Lab。知道大家鍾意打卡呃Like,佢哋將座位佈置到好似歐洲露天茶座咁,影出嚟真係呃到人以為你去左外國。不過要影到上圖咁嘅效果就要有少少技巧加高度,建議帶埋180cm以上高嘅Friend一齊去啦。老闆見我哋影得咁開心,佢話要同我哋講下店名嘅由來。XOXO Cafe Lab嘅「XO」原來係「親親」、「抱抱」嘅意思,提醒大家多啲「XO」來感受愛、分享愛。不得不提佢哋嘅人氣甜品「親親蜜語」,造型靚到令人忍唔住要第一時間打卡!「親親蜜語」用綿花糖緊緊抱住自家製香脆蜜糖麵包粒,健康好味嘅蜜糖配合新鮮生果,甜度適中,可謂有姿勢、有實際!而「分子甜點」口感更加係零舍唔同,利用分子原理將蜂蜜分子珠加入綠茶之內,外皮煙韌,分子珠一咬即破,感覺複雜又有層次,就連最愛打卡嘅小情侶都忍唔住偷飲一啖,鍾意台飲嘅話又點可以錯過?

 

店鋪號碼︰E169-E170

電話︰3974 5470

營業時間︰7am-11pm

 

青越悠閒好時光 高雅環境High Tea首選

將軍澳必去打卡熱點   夏日甜品逐個捉

青越亭嘅環境散發住高雅嘅氣息,淡雅木紋裝潢,有格調嘅黃銅壁燈,映襯住落地大窗外綠悠悠開揚嘅街景,再加上寶石綠色嘅餐枱椅,小編有少少以為自己去咗邊間酒店嘅Coffee Shop。除咗環境舒適夠哂吸引外,佢哋仲有大熱嘅「紫薯沙冰」同「玫瑰園花茶」。「紫薯沙冰」飲落不但冇膩嘅感覺,更多咗份輕盈感覺,加上賣相討好,呃Like一流!而另一特色飲品「玫瑰園花茶」結合咗玫瑰花、野薔薇子、蘋果片、木槿等材料,飲一啖彷彿身處於盛放嘅玫瑰花園一樣咁醒神。各位姊妹唔好咁獨食,自己飲茶養顏之餘,快啲打卡益下其他姊妹喇!

 

店鋪號碼︰W114

電話︰2865 6988

營業時間︰7am-10:30pm

 

激讚 夏日限定大「饌」賞

將軍澳必去打卡熱點   夏日甜品逐個捉

影相打卡之餘,食野梗係越優惠越理想啦。為咗大家可以開開心心放暑假,TKO Gateway將於7月20日至8月18日期間舉辦大「饌」賞美食推廣活動,三重優惠陸續有來,Like Like Like!

 

第一重賞:激玩禮「饌」

TKO Gateway推出「期間限定」美食優惠,讓您品嚐中、西、日、韓、台、越以至香港地道美食。活動推廣人員更會於TKO Gateway及將軍澳區內各處進行快閃活動,顧客只需完成簡單任務,即可獲得額外獎賞。另外,下載「泊食易」手機應用程式,即可免費獲取電子優惠劵。

 

第二重賞:「饌」賞星期五

TKO Gateway聯乘各特色餐廳於星期五推出「超值美食優惠」,優惠包括$1美食、激安美食優惠,讓您於Happy Friday盡情歡樂,盡情吃喝!敬請密切留意逢星期四於社交媒體平台Hashtag #TKOGateway大饌賞!

 

第三重賞:幸運「饌」賞

於推廣期內7 日累積消費滿300港元或以上,即可換領幸運「饌」賞抽獎券一張及「饌」賞印章一個。豐富禮品包括按摩椅、空氣清新機、咖啡機及其他家居電器等,另憑不同數量之「饌」賞印章可於TKO Gateway換取「饌」賞禮品一份,多儲多賞。

 

以上所有活動受條款及細則約束,節目內容如有更改,恕不另行通知。

 

活動詳情請瀏覽 Linkhk.com

 

Source: LINK

↓【限時搶⚡】日清盈優青汁套裝!↓

↓ 日本製造 / 2款口味:清爽蘋果味、濃厚白桃味!


↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

more