觀塘6小時半任食火鍋放題　$268歎勻刺身、海鮮、50款火鍋料

香港人喜歡打邊爐，圍在一起方便傾計，可惜坊間大部分任食火鍋店都限時用餐，食得不夠暢快。最近，觀塘一間火鍋店就以無任食時限作招徠，暢談之餘亦有時間慢慢食，同時供應海鮮和雞煲，相當豐富。

位於觀塘的醉翁亭火鍋館，推出「海鮮火鍋放題套餐」，套餐包含海鮮拼盤及數十款火鍋配料，更可以由6pm食到12am食足6小時，睇睇究竟能否會回本！

首先可選擇湯底，店內供應冬瓜瑤柱鍋、咸蛋芫茜鍋、鴛鴦鍋等，另加$80轉龍蝦湯亦可；選重慶雞鍋的話，可歎完辣雞再加湯打邊爐。

小編就選擇了龍蝦湯，原隻龍蝦啖啖肉，湯底都有龍蝦鮮味。

食物方面，打頭陣的有5道精選食材，刺身拼盤、環球海鮮盤、極級牛頸脊，每位食客可享用一份。

環球海鮮盤的款式沒有劃一，每天會供應6-8款時令海鮮，包括海蝦、蟶子或元貝、龍躉片、大青口、鱔片、魷魚、脆鯇片等等。

而蠔皇扣鮑魚及至尊水餃皇則供每位一隻，鮑魚炇得入味；水餃皇件件都分量十足，蝦肉新鮮彈牙，好味！

輪到主角任食火鍋！火鍋放題提供超過50款火鍋配料選擇，魚卜、鯇魚咀、大魚頭、大青口等海鮮都有供應。

肉類方面，黑豚肉、羊肉片、駝鳥肉及豬粉腸等都供任食，黑豚肉肉味濃，帶點點羶味，脂肪分佈平均。不過，任食肉類之中不包括牛肉，扣掉了一點分數。

至於丸類也有約10款丸類，選擇也不少，有等等。

胃口大的話，另有不少收費食品，如極品肥牛粒、雪花肥牛肉、牛頸脊、花膠筒、桂花蚌、龍躉片、紐西蘭帶子等可以選擇。 

火鍋放題供應時間為6pm-12mn，收費如下：

星期一至四　

每位$268

星期五、六、日、公眾假期及前夕

每位$298

 *另收加一服務費

*截單時間為11pm

*每枱兩位起，7位以上可分兩個鍋

醉翁亭

地點:九龍觀塘開源道79號鱷魚恤中心3樓全層   

開放時間:6pm-12mn

電話:2389-0823