食甜品也有分季節,冬天時凍冰冰,會想吃朱古力心太軟等,暖笠笠又有飽肚感;而到了夏天,就總想吃點酸甜清新的甜品,降一降溫。
緊隨焙茶系列,連鎖餅店超羣最近又有新一批甜品登場。夏日鮮果系列一共有4款,以士多啤梨和芒果為主角,當中最吸引的,小編覺得就是這款涼浸浸的士多啤梨Mochi($12)。
淡粉紅色的士多啤梨糯米皮,包裹着士多啤梨吉士和果肉,餡料豐富,冷藏後食用,內餡半融化像雪糕般。
不過士多啤梨只得4份1粒,如果份量多一點,會更清甜多汁。
另外,餅店亦新出了士多啤梨蛋白撻($9.5),撻底唧滿士多啤梨果蓉醬,加上蛋白蛋漿,焗起來呈粉紅色,加上撻面撒有士多啤梨圖案,賣相可愛。
撻皮鬆脆,牛油味頗重味,不過撻餡酸酸甜甜,整體不膩,適合在炎夏中享用。
另有士多啤梨芝士蛋糕($30)和芒果魔芋杯($15),果味同樣香甜。
地點:超羣分店有售