不少女生食自助餐都會先鎖定甜品櫃，沙田一間酒店就推出以士多啤梨及韓式食物為主題的下午茶自助餐，正中女生口味！
沙田帝都酒店1+1的下午茶自助餐一向抵食，不過就以甜食為主，如果想食多點熱食當午餐，不妨試試今次2+2的下午茶自助餐，同時有甜品及熱食供應，滿足哂大家的兩個胃~
以下午茶來說，熱食選擇不算少！
首先睇睇冷盤及前菜:款式不算多但一定夠食，有蝦、青口等熱門海鮮，味道不過不失，沒有太大驚喜。
韓式冰鎮冷麵透心涼，先將煮好的麵浸泡冰水冷卻，令麵身爽滑彈牙有嚼勁，梅子麵配搭雞絲、蘿蔔等佐料，味道輕盈清爽，佐以開胃醬汁，十分刺激食慾。
韓式炒年糕：韓國地道小食風味，辣醬濃郁惹味，年糕冷掉後容易變硬，一定要趁熱食。
泡菜豬肉卷香口多汁，味道不錯！
另有其他熱食如雞翼、炸雞、咖喱牛腩等。
即製蝦肉漢堡相當吸引，蝦肉厚身彈牙，熱辣辣夠滋味。
女士及小朋友們最期待的甜品又如何呢？甜點選擇頗多，除士多啤梨甜品外，亦有少量其他甜品如大菜糕、芒果布甸等，當然重頭戲還是落在士多啤梨身上。
士多啤梨塔配白朱古力噴泉：士多啤梨塔十分搶眼，綴滿嬌原粒士多啤梨及藍莓，佐以的白朱古力噴泉，大受小朋友歡迎。
迷你士多啤梨撻十分精緻，金黃的牛油曲奇撻皮香脆鬆化，放上開心果碎及原粒士多啤梨，更有金箔點綴。
即製士多啤梨拿破崙屬必試人龍甜品，牛油酥皮鬆脆可口，記得食多兩件。
除外，更可品嚐刺身、壽司、各式冷盤熱葷、韓式泡菜湯及其他精緻甜品等，大家記得食勻所有鹹甜點！
2+2 café 草莓蜜語．韓式下午茶自助餐
供應日期︰由2017年9月1日起直至另行通知
供應時間：星期六、日及公眾假期 15:15 - 17:00
價目︰成人 HK$258 / 小童 HK$138 (另收加一服務費)
地址：沙田白鶴汀街8號帝都酒店3樓
訂座電話：2694 3886
