$100純蔬食半自助晚餐　觀塘食生推薦！

香港人愈來愈重視健康，除素食外，亦有不少人推廣「食生」。除了不食肉、蛋及奶外，食生還主張吃不經高溫烹調的蔬食，以保持食物的營養及酵素。觀塘就有一間純素食生餐廳，希望提供一個寫意舒適的環境給食客。

餐廳推出$100半自助晚餐，揀選一款主食後，其餘前菜、沙律及湯都可以任食，以非素食者的角度，食生到底飽不飽？即睇小編的試食報告：

任食款式不算多，不過就頗有誠意，而且色彩豐富，十分吸引。首先有切片青瓜，配上彩椒，清爽開胃。

紅菜頭小飯卷，甚有家庭風味，味道清淡;建議盡快食用，因為飯粒經風吹後較易變硬。

越式香料汁撈檬，可以自行加上微酸醬汁。

當然亦有普通沙律~

另外有熱食供應~

泰式濃椰香咖哩，夠哂惹味，最有驚喜~味道微辣，配上燕麥飯相當飽肚。

韓式麻香炒粉絲，看似雞蛋的其實是腐竹，幾可亂真。

紅枸杞忌廉湯，足料濃郁，同樣無限任添。

主食四選一 : 小編試食當日可選菜式為－香草南瓜件/扒霸王花夜香花/墨西哥卷/簡餐時蔬

香草南瓜件有一角南瓜，配上鹹香薯蓉，食落有口感，味道不錯而且有飽足感。

扒霸王花夜香花造型似足一棵機，趣緻之餘望落亦十分高級，大人小朋友見到都開心！

擺盤加分許多~

墨西哥卷麥味重，味道特別，可惜份量較少，只有半條，如有整條會更好呢！

另外可加配飲品及蛋糕，無蛋無奶，全素者可以放心~

Raw chef` cafe 窩廚

地址: 觀塘鯉魚門道2號新城工商中心13樓6室

半自助晚餐：$100(主菜一款，其餘小點、沙律等任食) *款式每日不同，請在訂位時查詢

半自助晚餐時間：6pm-9pm

訂位:94733412(whatsapp)(需先前預訂及揀定主菜作準備)