正宗法式Crêpe專門店在香港較少見,中環最近就新開了一間加拿大過江龍,創辦人在法國讀書,取得正宗法式Crêpe的食譜,先在美加等地開店,今年終於在香港開設亞洲第一間分店。
餐廳共有三層,地面有開放式廚房製作Crêpe,上一層就有舒適的座位,地庫則是製作其他食物的廚房。
Crêpe有鹹有甜,任君選擇;全部即叫即整,保持餅皮軟熟。
先睇睇鹹點:經典長青口味Ham and Cheese($69),用上大量芝士,最能突出餅皮的煙韌軟熟。
芝士落足料,食完相當飽肚。
另一鹹點Crêpe Grecque($105),放入feta cheese、雞肉等,基本上就是將沙律的材料放入Crêpe中,是較為特別的口味。
再睇埋兩款甜點:
Stuffed French Toast($98),將法式多士的做法應用在Crêpe上,加上蛋、士多啤梨、芝士及楓糖漿等,口感十分豐富。
基本款Basic Sweet($39)其實就是牛油加砂糖的配搭,想多點口感可以再加配料(香蕉$15)。
建議配上Cider作飲品,有常見的蘋果口味及少見的士多啤梨口味($48)。
Café Crêpe
地址:中環威靈頓街15B號地舖
營業時間(試業中):8:00-24:00