韓風依然旺盛，燒烤更是朋友聚會首選的聚腳點！有韓燒店最近就推出$88放題，可以任食五花腩，食肉獸啱哂！
熨烤達人開業兩年多，最有噱頭當然是以熨斗壓住肉類再燒，平時一份五花肉要$158，今次$88就可以任食，未食過熨斗烤肉的朋友，不妨今次試試！
厚切五花肉任點任食，不過肥瘦似乎不太平均。
燒烤方法：五花肉放在爐上，用熨斗兩邊各壓3分鐘，剪開後再輕烤4邊至金黃。熨斗令五花肉受熱更平均，可以迫出多餘油分。
烤完的五花腩肥肉變得香脆，沒有想像中肥膩，相當香口。
淨食豬肉嫌悶，可以加$68食埋美國USDA嚴選穀飼牛扒放題，牛扒厚身大大塊。
同樣用熨斗壓住後每邊燒3分鐘再剪開，輕烤4邊就食得。
牛扒不夠嫩滑，比較嚡身，但肉汁豐富，牛味突出。
前菜及爐邊蛋(芝士/粟米/泡菜)都可以任添，可惜$88套餐不包括生菜籃。
另外滿4位惠顧可以免費獲得以下麵飯一客（或以優惠價追加一客）：
寒冰水冷麵可以中和肉類的油脂感，麵質彈形。（追加$38，原價$88)
大園手攪飯，戴上手套將碗內的飯及配料拌勻，放上雪糕筒，玩味十足！ (追加$48，原價$78)
車站見麵是芝士炒公仔麵，是三道菜中唯一帶辣的菜式，嗜辣的話可以考慮一下～ (追加$48，原價$58)
$88套餐不包括飲品，只可單點，不想點飲品亦有水供應。
優惠條款
*二人起計，每位$88，另附加一服務費。
*入座起計90分鐘放題時間。
*優惠時段為7pm前或9pm後入座。
*7pm-9pm入座收費為每位$108。
*一切爭議均以本公司最終決定為準。
供應分店：
熨烤達人 Mr. Iron
地址：旺角洗衣街147號地下
電話：2336-6308
熨烤達人 Mr. Iron MarkII
地址：元朗西菁街23號富達廣場地下29號舖
電話：2336-6409
