很多自助餐都會以海鮮為主題，但就未必滿足到一班食肉獸。各位無肉不歡的朋友，可以到沙田的酒店歎最新推出的和牛主題自助晚餐，叫埋身邊的牛魔王一齊食啦！立即睇睇三大回本位：
回本位一、海鮮
入座後會送上雲丹焗龍蝦（每位半隻），新鮮彈牙，可惜龍蝦不大，只得半隻不太夠喉。
可以任食即開美國/法國生蠔，十分鮮味，海水味不重。
冰鎮海鮮選擇較少，有大路的蟹腳、青口、螺及大蝦等，吸引力不大。
回本位二、肉類
香煎和牛伴日式燒肉汁/香茅蒜片和牛粒/和牛大蔥卷，三款和牛食品都十分出色，油脂分佈平均，不過攤涼後膩感較重，記得趁熱食。
香煎和牛以澳洲M5和牛薄燒至七成熟，鎖住肉汁，入口即溶。
蒜片和牛粒及和牛大蔥卷即叫即煎，保證熱辣辣。
大蔥爽口多汁，中和膩感。
慢煮和牛面頰伴紅酒肉汁，以「低溫慢煮」的方式烹調至少四至六小時，嫩滑入味，推薦！
不怕食牛雜的朋友，記得試埋雜菜浸牛脷，軟腍度令人驚喜，與雜菜的自然甜味十分配合。
肉眼扒的肉味亦相當香濃，但比起和牛稍稍失色～
回本位三、多款甜品
法式經典火焰甜品「橙酒煮班戟」（限時供應），由廚師即場以火焰炮製，將橙汁、橙皮絲及香橙肉加入法式班戟煎煮，淋上橙酒及白蘭地燃燒，軟綿又充滿果香。
焦糖燉蛋班戟即叫即製，軟熟班戟皮配上香甜燉蛋，抵得一試！
可以配上任食的Häagen-Dazs雪糕，一冷一熱口感更豐富～
另有多款甜品，推薦鮮果千層酥，夠哂香脆。
2+2 café極尚和牛海鮮自助晚餐
供應日期︰10月5日至10月31日
地址：沙田白鶴汀街8號帝都酒店3樓
價錢：
全時段 18:00 – 22:00 成人$598 長者$498 小童$398
17:45 – 19:45／20:00 – 22:00 成人$498 長者$398 小童$338
訂座電話：2694 3886
