旺角新開懷舊戲院主題冰室，無論門口定內部都有特別裝潢，六十年代的老香港重現眼前。冰室日間時段會提供茶記食物，夜晚則變身火鍋店，推限定時間任食，大家不妨一試！
貼滿不同搞鬼電影海報介紹食物，放置真火水爐裝設 打造六、七十年代感覺，更分成3個主題地區如綠窗舊街景、康樂棋盤壁畫及後巷裝修，到處都是打卡拍照位。
中午茶市提供茶餐廳食物，人氣阿華田脆脆西多士($ 34)，佈滿阿華田脆脆，內有花生醬夾心。
炸髀撈一丁配秘製雞醬($48)，炸髀大大隻，皮脆肉嫩，淋上秘製雞醬，香辣惹味。
秘製漢堡包($28)夾有自製漢堡扒、番茄、洋蔥，漢堡扒用牛肉及豬肉炮製，厚身有肉汁。
晚市搖身一變成火鍋店，提供雞煲火鍋海鮮套餐(每位$308，兩位起)，二人份量香辣雞煲，啖啖肉，入味微辣。
每位一隻鮑魚，鮑魚香腍，前菜任食。
鴛鴦湯底：番茄海鮮濃湯、招牌沙嗲湯，番茄濃湯加入原隻花蟹、蛤及粟米煮成，味道鮮甜開胃。
6款時令海鮮如蟶子、蝦、龍躉片等，還有手切本地肥牛及手切西班牙黑豚豬，無限添加六寶拼丸、蔬菜籃及拼餃。
推介肥牛用了牛脊邊，油花均勻，厚身爽腍。最後奉上懷舊一大碗雜果涼粉紅豆冰。
火水爐
地點:旺角煙廠街33號朗廷軒1樓
開放時間:12nn-5pm; 6pm-11pm
電話:26631087
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
↓【必收藏】最新深圳食買玩攻略！↓
↓ 大灣區一小時生活圈！最新打卡熱點／熱門美食等！↓
