紅磡一向多臥虎藏龍的小食店，月前就有一間充滿台式風味的甜品店新開張，叫萬華糖水店，會不會令你聯想起台灣萬華區的美食呢？
從鋪面驟眼看，糖水鋪跟台灣街頭地道甜品店確實有幾分相似；裝潢相當簡單，售賣的食品亦不複雜，主打芋圓+地瓜圓糖水。
糖水店暫時由老闆林先生一腳踢，每朝開鋪前準備食材，由到街市購入新鮮芋頭和番薯，到削皮、蒸熟、壓成蓉及搓成粒粒芋圓及地瓜圓。
人手製作，全部一手包辦，每日限量供應。
比起坊間的出品，芋圓和地瓜圓都偏大顆，很有嚼勁，兼且可以嚐到淡淡的甘甜味。
想食到芋圓和地瓜圓，可以點選「綜合」款式，如綜合仙草凍（$25）和綜合湯圓（$25；備有冷熱選擇）。
兩款甜品的配料都差不多，同樣加上西米、薏仁、芋圓和地瓜圓等等，分別在一款配搭仙草，而另一款則配湯圓（小丸子），幾足料。
仙草凍滑捋捋，加上碎冰入口冰涼；不過小編個人就認為加入煉奶和黑糖水後，整體偏甜，略蓋過芋圓和地瓜圓的甘甜。
另一款綜合湯圓，湯圓無餡細細粒，簡單來說，即是小丸子。
小丸子比芋圓軟身，不過就同樣煙韌；熱食加上紅豆湯感覺滋潤。
店主表示，未來的甜品選擇會再增加，如水果冰和焦糖冰等，之後去紅磡掃街可以留意一下。
萬華糖水店
地點:紅磡差館里17號聚賢大廈2C地下
開放時間:3pm-11:30pm
