紅磡小食店林立，今次介紹的小店「鮮蒲」開業不久，主打香港較罕見的錫紙包海鮮粉絲；以錫紙包裹著新鮮海產和粉絲，保留所有精華，值得一試！
錫紙貝殼粉絲（$52）加入木耳、茶樹菇、生菜等配料，以蠔油、醋、蒜、糖、薑絲、生抽及自家製醬料調味。
貝殻類海產方面，特別選用沙白；沙白大粒鮮甜，比起蜆一般較少藏沙，每份有7-10隻。
錫紙包內的湯汁鮮味十足，綠豆粉絲亦吸盡所有配料的精華，非常入味。辣度也可以自行挑選，食客亦可加按喜好追加不同配料，如金菇、墨汁花枝丸、蝦米魚皮餃、香蔥魚棗、腐皮角等。
店內另一招牌是津市牛肉粉（$52），選用牛坑腩，經過灼熟、香料炒香、慢燉等重重工序。
牛腩軟腍，非常入味，牛羶味濃郁。麵底可選河源米粉，外表類似米線，但比米線更有彈性和煙韌。
涼拌小菜亦有7款可供選擇，有素有葷。
脆口蓮藕（$26）大大片，非常爽脆；彈牙牛柏葉（$28）味道酸辣，作開胃菜就最適合；惹味豬肚絲（$28）亦算爽口，麻辣感十足，非常入味；醉凍雞翼（$28/4隻｜$32/6隻）肉質嫩滑，但略嫌未夠入味。
飯後甜品方面，有新推出的原隻濃濃椰皇釀啫喱（$35/個｜$60/2個），新鮮原個椰皇內加入啫喱。
啫喱以新鮮椰皇水製成，清新香甜，食完香辣的小食食個椰皇清新解膩。
鮮蒲
地點:紅磡祟志街29號地下
開放時間:11am-10pm
電話:5703-8798
↓【送機票✈️】分享旅行靚相 贏免費機票↓
↓ 請您免費飛轉日／韓／泰！↓
↓【限時搶⚡】Louiscocoa鳳梨啤酒口味可可即沖營養代餐奶昔！↓
↓ 首創含微量酒精代餐 / 嚴選高級可可粉 / 加水即沖即飲！↓
