一個人的浪漫 一人前人氣粥底蒸鮮鍋登場

發佈: 2017.11.08
文: 肥貓

終於等到天氣轉涼啦~係時候烚吓烚吓!

近年大熱既粥底蒸鮮鍋動輒都要兩三百蚊先有交易,不過最近一粥麵就引入咗新既特製鍋具,可以响半邊粥鍋上即蒸海鮮,下層就嚟一個暖笠笠既生滾粥,盡吸上層食材精華。今次選用既食材配搭亦絕不馬虎,靚肥牛呢啲只係基本嘢,龍躉、海蝦、帆立貝、花雕醉雞呢啲先係真章!

 

優質海鮮夠鮮味  粥底軟綿香滑十足

以即拉腸粉、鮮料生滾粥穩座連鎖粥麵店龍頭既一粥麵,估唔到咁識得抓緊蒸鮮鍋熱潮!近排推出既「龍躉海蝦肥牛鍋」相信已經有唔少人試過,龍躉片夠晒厚肉,份量十足;海蝦亦鮮甜彈牙,今次既海鮮真係新鮮得好有驚喜;而肥牛則會嚴選脂肪均勻既美國肥牛,食落甘香肉味濃郁。而11月21日就會由「帆立貝手打三寶丸肥牛鍋」接力,帆立貝淨係單睇圓周直徑都嬴晒,而且肉質飽滿,味道鮮甜,配埋手打豬肉丸、墨魚丸同鯪魚球呢啲手工食材,完全係實力派既表現。

鍾意食醉雞既朋友就有福氣,因為一粥麵今期特別研發新口味「去骨花雕醉雞雜錦鍋」,花雕酒香四溢,雞肉烚完保持嫩滑,仲要去埋骨,值得一讚!而個粥底都唔好錯過,因為係師傅精心熬製既魚湯粥底,仲用咗鯛魚、豬骨、雞同白胡椒等一齊烹煮,唔怪得之個底咁綿滑啦~今個秋冬,一個人都可以烚得好浪漫!

一個人的浪漫 一人前人氣粥底蒸鮮鍋登場

「帆立貝手打三寶丸肥牛鍋」有豬肉丸、墨魚丸同鯪魚球,手打丸類夠彈牙,食得出用料好紥實;帆立貝份量十足,鮮甜肥美,完全滿足到海鮮迷既慾望!加埋肥瘦均勻既美國肥牛同新鮮蔬菜盤,呢個晚餐好豐盛呀!

一個人的浪漫 一人前人氣粥底蒸鮮鍋登場

「龍躉海蝦肥牛鍋」鮮嫩厚肉,海蝦爽口彈牙,配埋手工雲吞同肥牛,試過就知無介紹錯!

「去骨花雕醉雞雜錦鍋」既醉雞酒味香醇,單食醉雞都夠飽肚,仲有其他如豬膶、鯇魚片等,一個人食都可以好精采!

一個人的浪漫 一人前人氣粥底蒸鮮鍋登場

唔夠喉咩?仲可以單點美國肥牛、手工雲吞、油條等,加埋杯珍寶凍荔枝紅茶,Yummy!

一個人的浪漫 一人前人氣粥底蒸鮮鍋登場

用粥底去烚肥牛,牛肉更加滑身之餘,生滾粥又盡吸精華,又點會唔好食!

 

分店地址:http://bit.ly/2svywWe

 

資料提供:一粥麵

↓【限時搶⚡】 Midea美的25公升氣炸焗爐!↓

↓ 結合「氣炸」同「烘焙」︱0.2秒即熱︱7種烹調模式↓


↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

more