近日天氣帶點涼意，又係時候打邊爐！小編最近發現港島區有一間街坊酒樓，推出150分鐘任飲任食火鍋，宣傳海報稱有過百款火鍋配料＋各式小食，到底有無伏？即睇小編試食！
酒家在場客人不多，小編晚上到達時亦無須等位。
十款湯底都幾吸引，小編所選的宮廷藥膳湯香濃足料，有淡淡藥材香。
有自助醬料吧，基本調味料有齊，連老干媽，對嗜辣人士來說是加分位！
部分任食食品需要劃紙，海蝦大隻新鮮，肉質彈牙;生蠔唔算大隻，不過都夠肥美。
白鱔片細細塊，爽口但鱔味不突出。
自助區目測有七十款以上火鍋配料，丸類選擇多，另有蟹、魚類等。
較特別的有粉腸，味道微甘。
肉類相對選擇較少，有肥牛、豬頸肉、羊肉及雞件，食肉獸未必滿足。
沙白鮮甜，不過偶爾幾粒有沙。
另有蝦膠/鯪魚膠，不過不失。
蔬菜區反而最吸引，有超過十款選擇。
宣傳海報上表示有各式風味小食提供，現場所見就不太吸引，只有豬腳薑、糕點、壽桃包及數款炸物等，賣相不討好。
較可取的是可以任飲啤酒/汽水/五花茶，另有杯裝雪糕及紅豆沙，作為飯後甜品很不錯。
晚上8:30前成人每位收費$158/小童每位收費$98；8:30後成人每位收費$148/小童每位收費$88，可以任食150分鐘，不過小編光顧當晚可能因為客人不多，都坐了三小時。雖然標榜有過百樣配料，但現場感覺選擇不多，肉類方面不夠吸引，海鮮類及湯底反而加分。最大扣分位為碗碟不太乾淨，同枱兩套碗具都有污跡，衛生情況有待改善。
權發海鮮酒家
地址：柴灣柴灣道333號永利中心地下
訂座電話：2897 0688
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
↓【限時搶⚡】Louiscocoa鳳梨啤酒口味可可即沖營養代餐奶昔！↓
↓ 首創含微量酒精代餐 / 嚴選高級可可粉 / 加水即沖即飲！↓
