真的假不了!真正北海道風味襲港!

發佈: 2017.11.27
文: cc

如果你去過北海道嘅話,就知道响香港,即使尋尋覓覓,要搵返果種地道嘅風味,都真係好有難度;但如果你未去過北海道的話,都應該知道北海道以美食見稱,想要响香港食得到的話,機會嚟啦~~~因為剛剛响沙田就開咗一間無論上至食材抑或下至醬油,都係由北海道空運抵港、仲要係有當地政府頒發任命狀嘅北海道居酒屋開幕啦~

 

主打北海道風味蕎麥麵 全新感受

 

香港係北海道居酒屋嘅第四間分店,創辦人合掌先生同北海道政府官員仲專程飛到香港見證開幕典禮,就知有幾隆重其事。合掌先生仲話,响海外設店係因為北海道政府一直希望將當地嘅飲食文化推廣至唔同國家,而佢自己亦好希望將當地人情文化風格廣傳,加上香港係國際金融中心,而北海道嘅食材亦係全日本No.1,所以好適合响香港開設分店,相信可以達成推廣嘅心願。佢仲話居酒屋主打嘅其中一樣蕎麥麵,就用咗當地好貴嘅蕎麥粉製造,就連日本當地都好少有,因為價錢太貴亦貨量亦珍貴,只有佢哋先拎到咁頂級嘅食材,所以必定要試啦~

必試道地好麵:冷蕎麥麵 $58

好多人認為北海道最聞名既就係麵!除咗拉麵之外,蕎麥麵亦都係佢哋嘅主打之一。唔好以為簡簡單單冷麵一團,但其實要做得地道,最重要係原料之外,新鮮亦係非常重要!由北海道榥加內町最頂級嘅蕎麥種植場提供材料,加上即叫即泡,完全擺脫咗平時蕎麥麵糊口、軟淋嘅口感,換上爽口彈牙、條條分明及充滿麥香嘅味道,加上鰹魚湯嘅香甜,完全係另一種感受。

真的假不了!真正北海道風味襲港!

貴魚平賣:鹽燒喜知次 $198

被日本人稱為夢幻之魚、日本深海魚王同海中紅寶石嘅喜知次,係產自北海道深海嘅魚,平時閒閒哋都成千蚊條,不過為咗推廣,呢條就定咗個好實惠嘅價錢!喜知次嘅肉質可以用三個字嚟形容:甜、嫩、滑,試過就知佢絕非浪得虛名!

真的假不了!真正北海道風味襲港!

鮮味十足:特上刺身五點$268

由師傅根據當日空運抵港嘅新鮮食材而決定刺身款式,唔洗講新鮮係無容置疑!佢嘅醬油係由北海道市政府指定使用嘅北海道昆布醬油,礦物質特別豐盛,食落與一般嘅醬油口感完全唔同,對刺身有提鮮嘅作用,口腔居然有好Fresh嘅感覺呀~

簡約不簡單:北海道暖薯沙律$42

呢道屬於北海道嘅鄉土料理看似簡單,其實用料非凡,採用當地男爵薯仔嘅佢,以木匙撈勻後,每口都好清新!

真的假不了!真正北海道風味襲港!

嫩與滑結合:三文魚北海道牛乳味噌鍋$110

同樣屬當地鄉土菜之一!牛乳加上味噌嘅配搭,帶嚟特別嘅味覺感受,材料豐足,野菜亦夠新鮮清甜,兩者配合完全係嫩與滑嘅結合。

真的假不了!真正北海道風味襲港!

Juicy脆味:唐揚北海道產雞件(配蟹肉味噌芝士醬)$62

香脆可口嘅外層下包裹住Juicy度十足的雞肉,配啤酒一流之選。

北海道居酒屋邀得一眾尊貴嘉賓包括:日中經濟協會上海事務所北海道經濟交流室室長川村小姐、創辦人合掌先生、日本貿易振興機構香港事務所所長伊藤先生以及環球飲食文化集團有限公司的行政總裁等等,一起出席開幕活動。

真的假不了!真正北海道風味襲港!

北海道政府代表川村小姐特意到臨頒發任命狀,與環球飲食文化集團有限公司一起推廣當地飲食文化。

 

北海道居酒屋

地址:沙田橫壆街2-16號沙田中心3樓50及57號舖

 

資料由客戶提供

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓


↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

more