韓風熱潮還未退減,與朋友聚會韓食仍然是人氣之選。大埔有韓燒店就推出全新放題優惠,唔使就住荷包叫菜,都一樣食到有質素的韓燒。
Oppa韓國燒肉店在旺角及大埔都有分店,不過就只有大埔店推出放題優惠。
放題套餐分為兩款,分別是弘大燒肉放題及江南海鮮燒肉放題,限時兩小時。兩份套餐都會先送上精選肉類做頭盤,包括A4黑毛和牛肩肉、A4和牛三角腩、澳洲和牛脷及封門柳等,共有十款。如果選擇江南海鮮燒肉放題,則可以免費追加以上肉類,相當抵食!
特別推薦封門柳,肉味極濃,肉質不嚡不韌但有口感,高質!
江南海鮮燒肉放題會另外送上海鮮拼盤,有可追加的虎蝦、魷魚及八爪魚,另外只送一次的就有鮑魚、帶子或其他是日海鮮。
可以任添爐邊蛋~
熟食方面選擇亦不少,餐廳推薦的人氣餐點有牛骨雪濃湯、蔘雞湯、四色冷麵及真露煮蜆等。
牛骨雪濃湯十分濃味,牛肉大大塊好足料。
真露煮蜆內有數十隻蜆及豬大腸,豬大腸煮得軟腍,酒味不重。
蔘雞湯有原隻糯米釀雞, 湯底清甜帶人蔘味,冬天暖暖胃是不錯的選擇。
四色冷麵以湯底整成冰塊,令冷麵可保持冰凍外,融冰後味道亦不致變淡。
牛肉石鍋拌飯熱辣辣,配菜及醬料充足,如果整體份量可以少一點就更好。
炸雞外脆內嫩, 不過唔太似韓式炸雞。
惠顧江南海鮮燒肉放題可以免費任飲汽水/韓式飲品/啤酒/紅白酒,手工啤酒就半價~大家記得食埋甜品先走,不過每人就只有一款,可選Dreyer's雪條,Häagen-Dazs或Mövenpick。
地點:大埔舊墟直街4-20號美新大廈地下B2舖
開放時間:17:00-02:00
電話:35655032