聖誕節假期去唔到旅行都唔緊要,留係香港一樣食到日本直送水產!焱丸水產推出二人聖誕套餐,一次可以食勻多款海鮮,聖誕節想食豪啲不妨考慮一下~
前菜有金箔磯煮鮑魚2隻,夠哂豪華。
湯品方面有南瓜蟹肉湯2客,湯底未算濃稠,不過南瓜味都頗突出,味道清甜。
刺身拼盤有龍蝦刺身及吞拿魚、油甘魚、帶子刺身各4片,龍蝦刺身最有驚喜,厚肉又爽口。
壽司有腦天、三文魚、帶子、牡丹蝦、海膽、油甘魚各1件,腦天香港較少見,值得一試。
同時提供燒物及炸物,燒物包括特大扇貝、生蠔、蟹味噌甲羅燒各2件。
扇貝大隻,剪開後再放調味料煮,十分彈牙。
生蠔燒蠔後雖有「縮水」,不過仍十分肥美。
招牌蟹味噌甲羅燒濃郁惹味,味道偏鹹,如果可以配飯或多士就更好。
鮮蝦野菜天婦羅較為普通,不太吸引。
最後可以享用松葉蟹鍋或牛肉/豚肉鍋1鍋,松葉蟹正值當造季節,湯底由新鮮海鮮餚製而成,注入了濃郁蟹膏,加上松葉蟹腳及蔬菜,加入珍珠飯、雞蛋及葱花,就食到鮮甜蟹粥。如果喜歡吃鮮甜蟹肉多於蟹膏的話,就可以加$150升級至毛蟹鍋。
另外加$99亦可升級至A5和牛鍋,牛味特別香濃。
聖誕套餐$780/ 位(2位起)
*於12月15日前預訂並付全數可享85折優惠
套餐供應期:2017年12月20日至31日
焱丸水產 (えんまる水產)
本店:尖沙咀棉登徑23號華楓大廈地下5&6號鋪
電話:2654 8200
分店:銅鑼灣謝斐道440號駱克大廈B座C2地舖
電話:2907 2838