今日睇真啲 T Town「綿菓子」點Sweet爆

發佈: 2017.12.19
文: cc

响天水圍嘅領展T Town今年聖誕充滿繽紛又甜蜜嘅氣氛,因為佢哋用咗棉花糖做主題,唔單止將個商場打造成香甜滿瀉嘅「甜蜜『綿綿』聖誕村」,仲設有主題玩樂區,俾大家一齊嚟玩個夠,仲準備咗一份好特別、又啱晒Channel嘅聖誕禮物俾大家---台灣直送「綿菓子」棉花糖!咁大家就可以邊食邊玩邊影靚相啦!

創新口味 獨特口感新體驗

今次「綿菓子」有6款口味棉花糖嚟咗T Town,包括「夏日檸檬」、「卡滋梅子」、「香甜蘋果」、「紅茶牛奶」、「日式海苔」及「Oreo曲奇」,都係香港難得一見嘅口味;「綿菓子」更大搞Crossover,為T Town特別設計咗全港首創聖誕棉花糖花束(內含京都抹茶、雙子星跳跳糖及黑嘉麗口味),聽落都夠晒特色。至於「綿菓子」嘅來頭一d都唔細,被台灣媒體譽為「全世界最好食棉花糖」嘅佢,原來用咗一種獨家cross技法,可以將啲配料好均勻咁遍佈响棉花糖之內,而且每包棉花糖嘅熱量降到約100 kcal以下,即係同一片麵包差唔多,所以响台灣推出之後,即刻成為唔少人送禮首選。到底係咪真係咁好食?就等我哋開嚟見你!

今日睇真啲 T Town「綿菓子」點Sweet爆

酸酸甜甜嘅卡滋梅子同日式海苔,聽落個配搭都好健康吖!不過外型就同我哋平時見到嘅棉花糖好唔同,點解可以將棉花糖放入去呢個長方型袋度呢?

今日睇真啲 T Town「綿菓子」點Sweet爆

咦~~謎團終於打開!原來佢哋真係長~~方~~形~~㗎!咁...又會唔會硬繃繃呢?

Well~~點估到呢個長方形裏面原來大有乾坤!啲卡滋梅子粒粒同日式海苔,原來全部喺晒糖裏面,海苔數量仲唔少㗎!介紹返,帶點酸度嘅卡滋梅子同棉花糖本來就係絕配,無須多講,反而咸咸地嘅海苔同棉花糖居然可以Jam得到,而且由台灣嚟到都依然保持咁脆身,邊度估得到你呢?

今日睇真啲 T Town「綿菓子」點Sweet爆

檸檬同蘋果兩款勁Fresh又帶點Sweet嘅味道,相信唔少人Like,超期待呀~~!

今日睇真啲 T Town「綿菓子」點Sweet爆

一撕開已經見到蘋果乾粒粒同檸檬脆粒响棉花糖裏面,望落已經係好吸引,棉花糖亦極鬆軟,但入口唔會好似一般棉花糖咁即時融化,反而俾到少少咀嚼感,而且兩款味道甜中帶點酸,初戀感覺返晒嚟呀~~

既然咁有Feel,點玩先可以贏到呢個「綿菓子」?答案好簡單,只要响T Town嘅「甜蜜『綿綿』聖誕屋」入面,成功挑戰一組遊戲,就可以免費獲得「綿菓子」乙包,以及「聖誕甜蜜棉花束奬賞券」遊戲蓋印1個,集齊3個蓋印仲可以換領T Town聯乘「綿菓子」限定嘅聖誕棉花糖花束一扎。至於幾時有得玩,就要參考以下資料啦~

限定嘅聖誕棉花糖花束,唔止睇得,仲食得嫁~~入面有齊3隻味︰京都抹茶、雙子星跳跳糖同黑嘉麗!

遊戲日期: 即日至 2018 年 1 月 1 日 (只限逢星期六、日及公眾假期)

遊戲時間: 下午 1 時至下午 9 時

遊戲地點: 領展 T Town 南地下

參加方法: 顧客憑 2 張「聖誕遊戲券」即可參加「甜蜜『綿綿』聖誕屋」遊戲乙次,每組遊戲每日名額 為 180 個,先到先得,額滿即止。

 

*以上所有活動受條款及細則約束,節目內容如有更改,恕不另行通知。活動詳情請瀏覽 Linkhk.com。

 

資料提供︰T Town

 

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓


↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

more