聖誕節開餐 冬日美饌盡在尖沙咀

發佈: 2017.12.21
文: cc

三、二、一!聖誕節正式進入倒數階段,無論是一家大細、男、女朋友,還是跟三五知己共享佳節,除了到尖沙咀shopping、睇戲、睇燈飾,感受濃厚聖誕氣氛,,一頓美味的餐宴當然不可缺少!新港中心多間餐廳已為大家準備了多款美饌佳餚,此外,由即日起至12月31日,顧客只需於場內指定食肆及其他指定商戶以電子貨幣合共消費滿$400,新港中心即送你電影換票證一張,務求為大家炮製一個開心又滋味的愉快假期!

 

拉麵配擔擔麵湯底 聖誕更加暖胃

聖誕節凍冰冰,加上行街行到攰,飢寒交迫,至啱嚟一碗暖笠笠嘅拉麵醫下肚。多次喺日本嘅「東京拉麵展」上備受矚目嘅「一風堂」,上年以crossover四川名菜嘅「博多担々麵」技驚四座,呢碗擔擔麵今年終於嚟到香港,以香濃惹味嘅擔擔麵湯底結合由一風堂出品嘅拉麵,加上辣肉味噌,比起一般拉麵更加暖胃,今個聖誕節終於唔使再捱凍啦!加上他們同屢獲「唐揚大賽.醬油汁部門」最高金賞及金賞榮銜嘅「太閤」合作所推出嘅「太閤監修唐揚雞」,皮脆肉滑、惹味多汁,配合埋「博多担々麵」,雙重滿足,回復戰鬥力,又可以繼續shopping!

下)博多担々麵 $78

擔擔麵湯底加入辣油,辣油由多種山椒長時間浸泡而成,味辛而濃;拉麵上再撒上碎芝士,更添口感與味道。

上)太閤監修唐揚雞 $45

太閤於唐揚雞的發源地日本宇佐市創業兼崛起,香滑雞肉、薄脆外衣與太閤秘傳醬油汁的配搭,令人一試難忘。

聖誕節開餐 冬日美饌盡在尖沙咀

一風堂

地址︰新港中心2樓210號舖

電話︰2957 8893

 

養生要靠冬日特飲 經典特餐任何時候都啱食

聖誕節固然要食得開心,但為了靚靚,養生調理都很重要。北海道牧場餐廳趁寒冬推出數款冬日特飲,包括:「桂圓紅棗茶」、「黑糖薑茶」及「焦糖奶茶」等等,既滋潤驅寒又有養生功效;配上經典「北海道牧場特餐」,香濃叉燒通粉、火腿、香脆多士配以3.6牛乳滑炒蛋,任何時候都啱食!若嫌未夠,加多份「日式黑咖哩和牛漢堡扒飯」又如何?漢堡扒以日本和牛秘製而成,啖啖鮮甜啖啖多汁,再蘸上少少香而不辣、濃而不膩的黑咖哩,叫人忍不住講句︰Oishi呢!

聖誕節開餐 冬日美饌盡在尖沙咀

日式黑咖哩和牛漢堡扒飯 $71

肉味香濃的和牛漢堡扒配以濃而不膩日式黑咖哩及炒蛋奄列,「牛魔王」絕對不能錯過!冬日特飲跟餐只需加$13,更添滋味、更覺滿足!

北海道牧場餐廳

地址︰新港中心3樓305號舖

電話︰2736 0002

 

稱霸白玉王鴿 創新設計點心拼盤

來到「唐宮小聚」,必嚐他們獲獎無數的「白玉王鴿」。秘制乳鴿選用優質品種白玉王鴿,以健康飼料餵飼,讓鴿肉吸收所有營養,加上自家農場採用半放養形式,飼養到指定日數,使王鴿的肉質肥瘦適中,且保持肉質鮮嫩。調味制作方面亦絕對嚴謹,以唐宮多年的秘製滷水汁即點即燒,令乳鴿能達致皮脆、肉嫩、多汁的水準,讓品嚐者回味無窮。

而三五知己聚首,幾個人總有不同口味,或想試勻不同菜色!「唐宮小聚」便可實現各人的願望,「點來聚聚」以拼盤方式推出,墨魚汁餃、芋蓉流沙、柚子蝦餃、蜂巢棗糕及賽螃蟹餃,一次過滿足晒大家的不同口味!

聖誕節開餐 冬日美饌盡在尖沙咀

白玉王鴿

選用指定日數大的白玉王鴿入饌,以秘製滷水浸滷後,再以慢火炸至金黃皮脆,酥脆甘香、肉質嫩滑,一咬更是肉汁四濺,味道與口感俱備,難怪獲獎無數。

聖誕節開餐 冬日美饌盡在尖沙咀

點來聚聚

以拼盤方式推出,一次過試勻芋蓉流沙、墨魚汁餃、柚子蝦餃、蜂巢棗糕及賽螃蟹餃。當中,芋蓉流沙的芋蓉餡以新鮮芋頭打成蓉,一口咬下去,芋香撲鼻;而墨魚汁餃則以新鮮墨汁製成蝦餃皮,配以黑松露蝦餡,蒸煮過後更散發出獨特的黑松露香氣,色香味俱全。

唐宮小聚

地址︰新港中心3樓303號舖

電話︰3168 1362

 

秘製辣雞煲 雞煲之友與火鍋迷必試

聖誕節難得與好友聚首,除了聖誕大餐、自助餐,不少人更喜歡圍埋一齊歎番個雞煲或麻辣火鍋。想兩者兼得,但又不想食完成身雞煲味或火鍋味?主打精緻點心及創新粵菜的「名爵宴會廳」,特別為大家設計了惹味的「秘製辣雞煲」,以秘製醬料配合指天椒、泡椒、燈籠椒及薑蔥等炮製,既有雞煲風味,同時亦盡得麻辣火鍋精髓,嗜辣的朋友不要錯過!此外,「欖角醬烤骨」和「黑松露珍菌炒蝦球」也是大廚匠心設計的菜式,試過就知原來粵菜如此變化無窮,令人驚喜。

聖誕節開餐 冬日美饌盡在尖沙咀

秘製辣雞煲 $118

雞件加入秘製醬料、指天椒、泡椒、燈籠椒及薑蔥等來炮製,還未開蓋已經聞到陣陣香氣,令人垂涎欲滴。

欖角醬烤骨 $88

將靚欖角加入秘製汁醬自家加工成拔絲欖角醬,配以優質腩排來燒製,鬆化惹味,送飯一流。

聖誕節開餐 冬日美饌盡在尖沙咀

黑松露珍菌炒蝦球 $138

蜜糖豆加入黑松露、靈芝、鮮冬菇及秀珍菇等一起爆香,再加入油泡過的蝦球快速兜熟,爽口彈牙,加上各款菌類的香氣,名副其實令人齒頰留香。

名爵宴會廳

地址︰新港中心3樓307號舖

電話︰2375 9997

 

三五知己gathering 大大份party food至抵食

一班人至啱食大大份的party food,一向別出心裁的 'Ruby Tuesday' 就為大家準備了聖誕特色套餐,包括煙三文魚、8安士精選牛扒、龍蝦尾及烤焗火雞片,配合時令蔬菜、朱古力暖心蛋糕及特色飲品之餘,8安士精選牛扒更可以優惠價升級至特級西冷扒,臨時加多個friend來gathering都冇有怕!想跟另一半共度佳節的話,亦可以點選皇牌甜品「濃情朱古力」,過一個最 Warm 的聖誕。

聖誕節開餐 冬日美饌盡在尖沙咀

聖誕特色套餐

會員價$498及加一服務費 / 非會員價$688 及加一服務費

供應期由2017年12月22日至2018年1月1日,記得約朋友一起分享。

聖誕節開餐 冬日美饌盡在尖沙咀

濃情朱古力 $158

鬆軟濃郁的朱古力蛋糕配以雪糕球及甜美焦糖醬,至適合跟朋友開心share!

Ruby Tuesday

地址︰新港中心3樓304號舖

電話︰2892 0883

 

日本人氣香甜咖哩 冬日給你多份暖意

多得香港人食得刁鑽、食得精,香港作為「美食天堂」的「牌匾」才能一直保留下來。七年前進駐這個「美食天堂」的CoCo壱番屋,跟香港人對美食的追求不謀而合,以致大家一想到吃咖哩飯,就會想起這間屋!香甜幼滑的日式咖哩是一年四季的美食,加上一塊吉列豬扒和蛋庵列,在冬天品嘗更覺溫暖滿足,再加$18還可以選配日本蘋果汁及沙律,若想享受一份美味可口的日式咖哩飯,來CoCo壱番屋一定可以滿足你的欲望!

聖誕節開餐 冬日美饌盡在尖沙咀

吉列豬扒庵列咖哩飯 $75

豬扒炸得香脆多汁,外酥內嫩,配以幼滑庵列及香甜微辛咖哩汁,滋味combo!

聖誕節開餐 冬日美饌盡在尖沙咀

CoCo壱番屋

地址︰新港中心3樓302號舖

電話︰3572 0460

 

皮薄餡靚小籠包 冬日美食最緊要有蒸氣

人要有「仙氣」,台式美食最緊要有蒸氣!由台灣一直備受追捧到香港,「鼎泰豐」即叫即做的招牌小籠包,一開蓋蒸氣盡出,夠晒熱騰騰之餘,打、揉、包、摺、蒸的製作過程更是一絲不苟,保證每個小籠包都皮薄餡靚、肉香汁甜,對於喜歡原汁原味的食客來說,鼎泰豐的小籠包絕對能夠入選其個人心頭好。除了小籠包外,店內有加入蝦仁烹煮的蝦仁燒賣,賣相討好,入口鮮爽彈滑,將燒賣的味道提升至另一層次,配上一壺即泡紅茶,是冬日美饌的好選擇。

招牌小籠包 $60/6個

以明火蒸製的小籠包,除了麵皮均勻薄嫩、肉汁飽滿,鼎泰豐的小籠包更能令人感受到他們的真情意。

聖誕節開餐 冬日美饌盡在尖沙咀

蝦仁燒賣 $82/6個

如秋菊一般賞心悅目的蝦仁燒賣,以清甜蝦仁配搭香鮮豬肉,口感豐富!

聖誕節開餐 冬日美饌盡在尖沙咀

鼎泰豐

地址︰新港中心3樓306號舖

電話︰2730 6928

 

冬日鰻魚迷你丼 肥美可口又健康

十個有八個香港人都鍾意食日式壽司,一直以用料優質見稱的「元気寿司」,更加是不少人的「飯堂」。元気寿司按照日本人不時不食的傳統每季推出特色壽司之餘,像新設計的高速分店所推出限定的「炸蝦卷連頭」及「蔥吞拿魚新香卷」,更加是老少咸宜的人氣之選。為了照顧不同客人的需要,他們更全日供應「鰻魚迷你丼」,肥美鰻魚配上粒粒分明的丼飯,暖意倍增!

炸蝦卷連頭 $36

以連頭炸蝦製成壽司,香口惹味,老少咸宜。

蔥吞拿魚新香卷 $24

香蔥配吞拿魚,清香鮮甜,是香蔥吞拿魚丼的滋味變奏。

聖誕節開餐 冬日美饌盡在尖沙咀

鰻魚迷你丼 $30

肥美鰻魚配上粒粒珍珠米,滋味在心頭。

 

元気寿司

地址︰新港中心2樓211號舖

電話︰2735 7370

 

聖誕創意壽司 戴上聖誕帽的軟殻蟹卷

政府常說要推動創意產業,但創意到底是甚麼?今個聖誕,「峰壽司」一於用美食話畀大家知,創意就係咁簡單!壽司店嚟講,峰壽司都算創意爆棚,這次趁聖誕推出的「聖誕三文魚極選盛」及「聖誕軟殼蟹卷」,前者嚴選挪威直送三文魚,配以海膽、鵝肝及帆立貝,簡直是三重享受!而後者在軟殼蟹卷上添加滿到瀉的魚子,鮮甜可口,加上造型就像戴上紅色聖誕帽的聖誕老人一樣,食得又睇得!

聖誕節開餐 冬日美饌盡在尖沙咀

上)聖誕軟殼蟹卷 $78

軟殼蟹炸得惹味可口,卷物上加上大量魚子,重本之作!

下)聖誕三文魚極選盛 $118

以新鮮三文魚配以海膽、鵝肝及帆立貝,口感倍增,滋味層出不窮。

 

*以上產品為期間限定,供應期為1/12/2017至14/1/2018

 

峰寿司

地址︰新港中心地庫B01號舖

電話︰2111 1630

 

美食跨世代 一次過食勻全世界

人都是貪心的動物,得一想二、三心兩意是常識吧?想一次過食勻各地美食,除了自助餐,最理想的地方一定是「大食代」!像三巡小廚的「海南鴛鴦雞飯配滷水蛋豆腐套餐」,鴛鴦雞各具風味,而跟餐的雞湯更加入了當歸熬煮,實屬暖身佳品!另外,一本日式蛋包飯的「和牛漢堡拼吉列炸蝦蛋包飯」更加適合一家大細享用。食完飯未夠喉?即撞木桶豆腐花一定不能錯過,以有機黃豆為原材料,即叫即做,豆腐花豆味濃郁,配上沖繩黑糖或原味蔗糖,清潤香甜,能二人共享,大、小朋友都愛!

即撞木桶豆腐花 $28

以有機黃豆為原材料的豆腐花,即叫即撞,配上沖繩黑糖或原味蔗糖,二人份量,更可加$7添加紅豆,滋味無窮,即使製作需時15分鐘都值得一等!

聖誕節開餐 冬日美饌盡在尖沙咀

海南鴛鴦雞飯配滷水蛋豆腐套餐 $59

三巡小廚特別聘請新加坡廚師炮製正宗星馬美食,黑豉油由新加坡直送來港之餘,油飯和當歸雞湯都令人讚不絕口。

聖誕節開餐 冬日美饌盡在尖沙咀

和牛漢堡拼吉列炸蝦蛋包飯 $89

和牛漢堡多汁香口,加上酥脆吉列炸蝦及開胃茄汁蛋包飯,經濟又實惠。

 

大食代

地址︰新港中心地庫B01號舖

電話︰2111 1961

 

資料由客戶提供

↓【限時搶⚡】Kilo Calo慢煮即食雞胸套裝!↓

↓ 雞胸經低溫慢煮烹調!/ 提供研製多時的獨特口味!↓


↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

more