巨形月亮登陸天水圍！嘉湖海逸酒店最近推出季節限定的「月の夜燒烤放題」，客人可在高達2米的巨形月亮下享用燒烤自助餐，啤酒、汽水任飲，望住月光食韓燒，夠哂歎！
每枱都有自己的韓燒爐，戶外空氣流通，油煙不大。
肉食全部自取，款式大路齊全，雞翼、腩肉、魷魚、豬頸肉都有。
牛舌薄切，輕燒兩面就食得，夠肥美。
食物新鮮，主打肉類，有少量海鮮類食品。
爐火幾猛，食物快熟。
燒到攰攰地，可以直接拎熟食！不過款式不多，有炸雞、年糕及雜菜等。
另外有沙律冷盤，可以食拌粉絲、泡菜及韓式前菜消消膩。
甜品每晚約有廿款選擇，推薦班蘭蛋糕，味道清香。
啤酒、汽水任飲，收工可以啤一啤，可惜啤酒唔夠凍。
韓式燒烤時段只限星期四、五晚上7:00 – 10:00，有三小時慢慢食。原價成人$238 小童$188，經網上>> eShop訂購有優惠，成人$168 小童$148。
地點:天水圍天恩路18號嘉湖海逸酒店
開放時間:1月18至4月13日(星期四及五) 晚上7:00 – 10:00
電話:2180-6688
↓【免費送🎁】微熱山丘全新造型香蕉窩夫餅乾禮盒100盒！↓
↓ 進駐香港十週年大贈送│送埋香港獨家限量版布袋～↓
↓【必收藏】最新深圳食買玩攻略！↓
↓ 大灣區一小時生活圈！最新打卡熱點／熱門美食等！↓
