陀地大排檔賣港式火鍋 鎮店卜卜蜆 / 豪華用料沙嗲鍋 

發佈: 2022.10.12
文: U Magazine

text│Sakura

這火鍋店就以陀地大排檔做主題,畀你吹住冷氣吃港式火鍋。無論環境和火鍋配料都好有港產味,餐廳沿用經典大排檔摺枱和木凳,加埋一幅極有《古惑仔》feel 的巨型壁畫,陀地味出晒嚟!另外仲設「圍村」廂房,房內的餐枱是一張「賭枱」,極有 80 年代味道。

老闆是同區 fusion 餐廳叁嘗的主理人,此店一開已在 IG 火速爆紅!翻開如報紙般的 menu,12 款湯底以港式為主,必試卜卜蜆,選用街市新鮮沙白,蜆肉大隻鮮甜,湯底帶有蒜味和唐芹清香。仲有舊式火鍋必備的醉牛肉,選用鮮牛脊肉,以花雕酒加藥材醃製,用蜆湯灼後保留微香酒味。牛肉控還可點牛魔王拼盤,有極級本地手切肥牛、頂級安格斯牛頸脊、手切封門柳、牛胸尖、牛脷托和鮮牛肉粒等。

港式火鍋點少得花膠雞湯?湯底以鮮雞熬 12 小時以上,建議打邊爐前先喝頭啖湯,再加入深海黃花魚膠筒打邊爐,雞肉花膠夠多,女士點會唔愛?土炮口味亦唔少得沙嗲湯底,用上瑤柱、蝦米、金華火腿、陳年果皮這些矜貴食材烹調,沙嗲湯濃稠,灼牛肉灼響鈴,掛湯入味,正!店子還供應鑊氣小吃,好像黃金鮮魷、椒鹽九肚魚、椒鹽粟米等,全面複製大排檔風味!

-----------------------------------------------

今晚卜卜蜆鍋 $198 
沙白每日街市購入,一煲有一斤,隻隻肉質飽滿,鮮甜無沙,湯底煲出蜆味,蜆味勁鮮,混合蒜香辣椒香,惹味!

卜卜蜆蜆味勁鮮,混合蒜香辣椒香!

陀地大排檔賣港式火鍋 鎮店卜卜蜆 / 豪華用料沙嗲鍋 

醉牛肉 $138 
以花雕酒和藥材醃製,牛味濃郁,帶陣陣酒香,要讚讚這牛甚有咬口。

陀地大排檔賣港式火鍋 鎮店卜卜蜆 / 豪華用料沙嗲鍋 

牛魔王拼盤 $468 
有 6 款牛肉,包括極級本地手切肥牛、頂級安格斯牛頸脊、手切封門柳、牛胸尖、牛脷托及鮮牛肉粒,全部雪花紋理細緻,食落特別有牛脂甘香。

西班牙黑毛豬 $138 
擁有像拖羅般的色澤,用花膠湯灼一灼,豬肉無渣柔軟,香甜可口。

陀地大排檔賣港式火鍋 鎮店卜卜蜆 / 豪華用料沙嗲鍋 

咯咯雞花膠湯 $298 
湯底以新鮮雞隻熬 12 小時以上,雞湯味特別濃郁,深海黃花魚膠筒有厚度、口感特別好,女士必點。

陀地大排檔賣港式火鍋 鎮店卜卜蜆 / 豪華用料沙嗲鍋 

炸響鈴 $68、復古味沙嗲湯 $108、玫瑰花花藥膳湯 $108(鴛鴦鍋加 $20)
炸響鈴索滿沙嗲湯汁,半脆又惹味。沙嗲湯加了瑤柱、蝦米、金華火腿、陳年果皮調製而成,稠身有花生香。

黃金鮮魷 $98、椒鹽粟米 $68(後)
鹹蛋黃爆炒鮮魷,味道鹹香,邪惡滋味;粟米粒香甜,香辣味濃。

陀地大排檔賣港式火鍋 鎮店卜卜蜆 / 豪華用料沙嗲鍋 

--------------------

【info】
叁不館
‧地址:天后電氣道 68 號金輪天地 7 樓
‧電話:9364 9678
‧營業時間:6pm - 12mn

 

↓【限時搶⚡】Kilo Calo慢煮即食雞胸套裝!↓

↓ 雞胸經低溫慢煮烹調!/ 提供研製多時的獨特口味!↓


↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

more