全港最好食之稱！米芝蓮推介西環坤記煲仔飯　招牌白鱔煲仔飯 香脆飯焦！枝竹羊腩煲／鑊氣小炒

秋風起至適合食熱辣辣煲仔飯！西環「坤記煲仔小菜」榮獲米芝蓮推介，煲仔飯被大讚為全香港最好食，即使要大排長龍仍有不少忠實食客支持~必試招牌白鱔煲仔飯，另有窩蛋牛肉飯、臘味排骨飯等，有香脆飯焦，此外鑊氣小炒同樣值得一試！

↓點擊圖片放大↓

同場加映：網店迷你戚風蛋糕 焦糖布甸／伯爵茶麻糬／菠菜芫茜流心蛋糕／焙茶黑糖蕨餅卷蛋

有別於一般的炭火瓦煲煲仔飯，坤記煲仔飯講究用上瓷煲及火山石炮製，煲仔飯先以猛火煮至飯粒乾身收水，加入配料煮熟後再以慢火焗，夠晒香噴噴。

推介白鱔滑雞煲仔飯（$115）、白鱔排骨煲仔飯（$115），白鱔好新鮮，以豉椒醃製至入味，肥美爽嫩無腥味，飯粒吸滿魚油和秘製甜豉油，香口且粒粒分明。講到煲仔飯怎少得了飯焦，煲仔飯的烹煮時間和火候控制得剛剛好，飯焦金黃厚脆卜，焦香而不燶硬，帶陣陣米香~

↓點擊圖片放大↓

+3

+2

窩蛋牛肉飯（$93）份量十足，附有生雞蛋，牛肉加上蛋汁更滑嫩。愛食臘味的朋友可試試臘味排骨飯（$100）、臘味滑雞飯（$100）、臘味油鴨飯（$100）等，臘腸和潤腸油潤香口，油香滲入飯中，好惹味。

↓點擊圖片放大↓

除了人氣煲仔飯外，必試坤記小炒，夠鑊氣有火候，必食枝竹羊腩煲（$348）、椒鹽鮮魷（$95）、豉椒炒蜆（$80）、馳名貴妃雞（例牌 $115｜半隻 $135｜全隻 $270）、西檸煎軟雞（$80），椒鹽鮮魷薄脆爽口，加上香口炸香蒜；貴妃雞和西檸雞肉質嫩滑。

↓點擊圖片放大↓

+2

坤記煲仔小菜

地址：西環西營盤皇后大道西263號和益大廈地下1號舖
營業時間：午市 11am - 2:30pm｜晚市 6pm - 11:30pm
電話：2803 7209
＊不設電話訂座

授權轉載：IG@lovelife_dennis、joys.foodiary、aiii_foodie、hkfoodiesbite、foodiehkger、_foodsharinghk_