全港最好食之稱!米芝蓮推介西環坤記煲仔飯 招牌白鱔煲仔飯 香脆飯焦!枝竹羊腩煲/鑊氣小炒

發佈: 2022.11.15
文: 黃詠恩

秋風起至適合食熱辣辣煲仔飯!西環「坤記煲仔小菜」榮獲米芝蓮推介,煲仔飯被大讚為全香港最好食,即使要大排長龍仍有不少忠實食客支持~必試招牌白鱔煲仔飯,另有窩蛋牛肉飯、臘味排骨飯等,有香脆飯焦,此外鑊氣小炒同樣值得一試!

同場加映:網店迷你戚風蛋糕 焦糖布甸/伯爵茶麻糬/菠菜芫茜流心蛋糕/焙茶黑糖蕨餅卷蛋

有別於一般的炭火瓦煲煲仔飯,坤記煲仔飯講究用上瓷煲及火山石炮製,煲仔飯先以猛火煮至飯粒乾身收水,加入配料煮熟後再以慢火焗,夠晒香噴噴。

推介白鱔滑雞煲仔飯($115)、白鱔排骨煲仔飯($115),白鱔好新鮮,以豉椒醃製至入味,肥美爽嫩無腥味,飯粒吸滿魚油和秘製甜豉油,香口且粒粒分明。講到煲仔飯怎少得了飯焦,煲仔飯的烹煮時間和火候控制得剛剛好,飯焦金黃厚脆卜,焦香而不燶硬,帶陣陣米香~

窩蛋牛肉飯($93)份量十足,附有生雞蛋,牛肉加上蛋汁更滑嫩。愛食臘味的朋友可試試臘味排骨飯($100)、臘味滑雞飯($100)、臘味油鴨飯($100)等,臘腸和潤腸油潤香口,油香滲入飯中,好惹味。

除了人氣煲仔飯外,必試坤記小炒,夠鑊氣有火候,必食枝竹羊腩煲($348)、椒鹽鮮魷($95)、豉椒炒蜆($80)、馳名貴妃雞(例牌 $115|半隻 $135|全隻 $270)、西檸煎軟雞($80),椒鹽鮮魷薄脆爽口,加上香口炸香蒜;貴妃雞和西檸雞肉質嫩滑。

坤記煲仔小菜

地址:西環西營盤皇后大道西263號和益大廈地下1號舖
營業時間:午市 11am - 2:30pm|晚市 6pm - 11:30pm
電話:2803 7209
*不設電話訂座

授權轉載:IG@lovelife_dennisjoys.foodiaryaiii_foodiehkfoodiesbitefoodiehkger_foodsharinghk_

↓必收藏!香港咖啡地圖2023!↓

↓精選50間咖啡店(附評分)!即睇詳細介紹↓

more