日前有名男網友在討論區發文，指自己買兩餸飯給女友卻被嫌棄。港男表示，兩餸飯「又好食又抵食，又平又大份」，不解女友黑面原因。部分網友勸港男分手，亦有人疑惑是不是該餐廳太難食，亦有人提議港男買龍蝦、長腳蟹的豪華兩餸飯。
兩餸飯因「大件夾抵食」而受歡迎，被譽為窮人恩物！兩餸飯特點之一是菜式選擇多，適合不同人口味，但如果另一半買兩餸飯給自己，大家點睇呢？日前，有名港男在香港討論區以「女朋友嫌棄我買兩餸飯畀佢食」為題發文，指女朋友放假不想外出，遂叫男友幫忙買外賣，但女友未有告知男友想食甚麼，男網友就選擇了兩餸飯。
↓點擊圖片放大↓
男網友補充，「佢打開個外賣見到係兩餸飯，就黑晒面，話做咩要買埋依啲畀佢食，又嫌食cheap晒。」港男不解兩餸飯問題何在，疑惑「兩款餸都冇一樣岩佢食咩？定下次我叫三餸飯唔知佢會唔會開心啲呢？起碼貴多幾蚊...」
↓點擊圖片放大↓
►同場加映：【衝出嚟玩】昂坪好去處｜彌勒山輕鬆郊遊路線睇芒草 全新觀景台飽覽無敵靚景！
不少網民留言勸港男分手，批評女方太港女，亦有網民問「係唔係你買果間太難食」、「可能兩餸入面有野喺佢唔鐘意食嘅」、「可能你簡2個餸唔啱佢食」。
有網民建議兩全其美之法，「兩餸飯都有龍蝦，長腳蟹㗎」，港男可以照買兩餸飯，而女友又可以歎豪華海鮮！另外亦有其他提議，「試下叫單餸然後話茶記80蚊買」、「如果佢夠膽有下次，就買白飯，叫佢自己煎蛋」、「你應該去五星級酒店買外賣先至合佢身份」、「可能想食粉麵或壽司」。
來源：香港討論區、《愛·回家之開心速遞》
