最近帶點秋意的天氣至適合食煲仔飯～北角港式燒味店「CHOP CHOP食神叉燒」新出瓦煲煲仔飯，有油鴨髀、鹹魚肉餅、北菇滑雞臘腸、豉椒排骨臘腸、臘味臘鴨、窩蛋碎牛、豉汁白鱔煲仔飯，堂食或外賣都得！煲仔飯更可斬料加叉燒，夠晒豐富。
同場加映：上環足料爆餡腐皮壽司外賣店 藍鯨拖羅蓉／蟹籽帶子／蒲燒鰻魚等20款口味！
瓦煲煲仔飯有多款選擇，包括油鴨髀煲仔飯（$98）、鹹魚馬蹄肉餅煲仔飯（$98）、淮山北菇雞臘腸煲仔飯（$98）、豉椒排骨臘腸煲仔飯（$98）、窩蛋碎牛煲仔飯（$98）、豉汁白鱔煲仔飯（$118）等。客人另可加配北菇（$8）、雞蛋（$10）、潤腸（$10）、臘腸（$10）、雞（$15）或 排骨（$15）等配料。煲仔飯選用黑龍江五常市的頂級香米和本地雞蛋，至於甜豉油經過兩年發酵製成，豆味更香濃。
大胃王朋友更可試試煲仔飯套餐，包一款$98煲仔飯加半斤叉燒（$168），或 兩款$98元煲仔飯加半斤叉燒（$248），有叉燒加餸更吸引～
煲仔飯供應日期：即日起至2023年2月底
Chop Chop 食神叉燒
地址：北角宏安道18號地下3號舖
營業時間：11am - 9pm
電話：3618 7718
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
↓【必收藏】最新深圳食買玩攻略！↓
↓ 大灣區一小時生活圈！最新打卡熱點／熱門美食等！↓
