【銅鑼灣美食】天氣凍，當然要約埋fd子打邊爐啦！銅鑼灣有間天台打卡海景火鍋店，主打港式地道湯底火鍋，餐廳室內環境充滿懷舊風，更加可以唱K！坐戶外露天座位可以一邊烚下烚下，一邊飽覽維港海景，夠曬Chill~
銅鑼灣「去滾」主打港式火鍋，餐廳佔地6100呎，環境充滿七、八十年代懷舊風，霓虹招牌裝飾玩味十足。另外設有數間VIP房，好適合一大班朋友聚會，更可以唱K添！
火鍋店特設戶外露天座位，可以望著維港海景打邊爐，夠曬嘆！另外有一整面霓虹燈打卡牆，可以慢慢打卡，而且設有兩個大暖爐，就算冬天都不怕室外位會太凍。
湯底方面，推薦原隻龍蝦花甲海鮮湯（$498），會在席前炒鍋再加湯，過程夠曬打卡。海鮮足料又新鮮，原隻龍蝦肉質爽彈，蟹更是有不少蟹膏，湯底濃郁鮮甜。
食材方面，餐廳提供14款不同部位牛肉選擇，推薦牛魔王拼盤（$468），一次過試曬一口牛、牛小排和牛肩胛，牛味香濃。
想食豪一點，記得試埋A5野崎牛肩肉（$438），油花分佈漂亮，入口即溶。
海鮮控不能錯過乜都有海鮮拼盤4款（$690），包括有海班、海蝦、生蠔和沙白，全部大大隻，夠曬鮮甜。
其他配料可以試試手打墨魚丸（$88）、手打蝦丸（$88）和手打牛丸（$88），口感彈牙誠意十足。
除了湯底和食材，也有其他小食可選擇，避風塘魷魚鬚（$98）和蝦膠釀油炸鬼（$98）都好惹味，送酒一流！天氣凍，再嘆埋個臘味煲仔飯（$228），就最滿足啦~
Menu：
↓點擊圖片放大↓
去滾
地址：銅鑼灣登龍街1號金朝陽中心2期27樓
電話：2543 8222
營業時間：17:30 - 00:00
↓【限時搶】味道研究所Shake Shake調味粉↓
↓ 味道瞬間昇華！ / 輕鬆創作出獨特口味！ ↓
