農曆新年臨近，當然要食新年團年飯、開年飯！在大圍和元朗均有分店的點心中菜館「大圍小館」榮獲米芝蓮必比登推介，必試招牌奶黃流沙包、燶邊叉燒、巨型懷舊冰花蛋球，點心小菜份量足且價錢合理，難怪長期都有人龍排隊捧場光顧呢~
同場加映：巨型酥皮龍蝦湯新年盆菜！波士頓龍蝦／黑毛豬腩肉／鮑魚帶子
講起大圍小館招牌菜少不了叉燒「第一叉」（半份 $158｜全份 $268），店員會即席塗上秘製陳皮燒汁，再以火槍炙燒叉燒至微燶邊。厚切叉燒用上貴價梅頭豬肉，加上麥芽糖烤製，肉質軟熟實在，肥瘦適中啖啖肉汁，蜜汁不會太甜。叉燒加上脆卜卜脆米，口感更豐富。
必點流沙包（$40／兩個），奶黃流沙超澎湃，好香蛋黃味，包體軟熟。
大家別錯過小店的招牌冰心蛋球（$33），超巨型足夠5 - 6人享用，外層佈滿砂糖增添起沙口感，外層酥脆，內裡鬆化輕盈，食落富蛋香，不甜膩。吃貨留意，炸沙翁每日限量供應10多份，每枱限點一份，很快便售馨，建議午市第一轉來用餐，免得撲空～
燒賣有多款選擇，如手打墨魚燒賣（$46）、花膠金菇鮮肉燒賣（$46）等。奶黃千層糕（$36）賣相吸引，甜度適中，不過略為油膩。
流心煎糯米雞（$43）煎至外層微焦脆口，糯米有咬口，內有鹹蛋黃等配料。 至於糯米包（$40）皮薄爆餡，包滿臘味糯米飯，若冬菇和雞肉調味濃一點更佳。
點心還有蜂巢炸芋角、懷舊咸薄罉、煎韭菜粿、鴛鴦臘腸卷、雞扎、頂天蠔王鮮竹卷、潮州粉粿、豬潤腸粉、日本蠔皇煎腸粉、頂湯灌湯餃、叉燒餐包（$33）、欖仁馬拉糕（$40）等多款選擇。
小菜推介用上本地農埸雞的豉油雞、鹽酥魷魚鬚、豉油皇魷魚鬚、椒鹽多春魚、帶有藥材香的蒸魚雲、鑊氣子薑炒牛肉（$138）、烘焙醬茄子、籠仔甜梅菜蒸菜心，好香口。
大圍小館餐廳的預約長期爆滿，有網民表示要連續打40多次電話才能接通，想食的朋友可能要多打幾通電話才能成功訂座。大家亦可Walk-in排隊，不過要留意繁忙時段或需等候約一小時。
大圍小館
大圍分店
地址：大圍積福街92號地舖
營業時間：10:30am - 3:30pm｜6pm - 10:30pm
訂座電話：2339 0189／2339 1319
元朗分店
地址：元朗壽富街60號順福糧倉地下G22-23號舖
訂座電話：2398 1292
授權轉載：IG@fabkonggirl、littlefoodiejojo、_hk_one、foodcamn、corgiwithfood
圖片來源：IG@taiwaidining
↓ 盡情食招牌即蒸鮮波士頓龍蝦！↓
↓ 立即入APP參加遊戲嬴走！↓
↓ 【送禮】大派主題樂園門票100張！↓
↓ 社群地圖企劃！立即入APP參加！↓
