藍田德田街市經過一輪翻新，街市旁新增了小食街，場內有 14 間小食店，也新增了冷氣及座位，由 7am 營業至 11pm，由早餐至宵夜都照顧到。
小食街裏腸粉店都有兩間，一間主攻即叫即製石磨腸粉，另一家賣港式煎腸粉，亦有魚蛋及炒蘿蔔糕，行過就聞到 XO 醬炒腸粉香味。又有學生至愛的巨型生炸雞髀名店三多。
小食街內也有餐廳，例如越南人開設的地道越南菜，供應羅望子焗明蝦、牙車快以及越式瀨尿蝦春卷等特色菜，一般 $70 有找，頗抵食。另有馬拉菜、日式串燒、懷舊糕點、特色熱狗、台式飲品、甜品、港式車仔麵及中式包點檔，選擇頗多。
【info】
領展德田街市
地址：觀塘藍田碧雲道 223 號德田廣場地下
電話：從缺
營業時間：7am - 11pm（小食街）
蟲草花腸 $20 份（拉布拉腸）
腸粉在店內研磨粉漿及蒸煮，軟滑柔嫩，配養生蟲草花。
芥辣 Wasabi 雞蛋仔 $25（糖芝豆）
芥辣味最為特別，甜甜哋又有少少攻鼻。還有多款口味，雞蛋仔 $18 份起。
XO 醬炒蝦米腸 $25 份、XO 醬煎蘿蔔糕 $25 份（腸粉王）
腸粉及蘿蔔糕都是即叫即煎，夠晒鑊氣又惹味。
招牌生炸雞髀 $32（三多）
生炸雞髀有成 6 吋直徑闊，大大件，炸得外脆內嫩。
卡邦尼慢煮溫泉蛋雞肉炒意粉 $56（三多）
有多件雞肉及煙肉，加上日本溫泉蛋，非常足料。
雜錦串燒 $60（屋台料理）
四款串燒包括豬肉、雞肉、羊肉以及牛肩肉，焦香多汁，醬汁惹味。
新鮮羅望子焗明蝦 $138（富國島）
大頭蝦索了羅望子汁，酸酸甜甜，非常開胃。
胡椒豬肚雞米線 $49（馬拉小廚）
大大碗，湯底有胡椒辛香，配嫩滑海南雞。
彩虹配 $30（糖芝豆）
豆腐花配上仙草、芋圓及紅豆。
京葱肥牛蛋蓋飯 $50（三多）
分量十足，雞蛋炒得嫩滑，肥牛也入味。
蒲燒鰻魚飯 $68（屋台料理）
相當大碗，鰻魚也厚肉大條。
麻辣燙 $38 起（紅辣椒）
自製酸辣湯底配紅薯粉及自選餸，辣度適中。
↓【送機票✈️】分享旅行靚相 贏免費機票↓
↓ 請您免費飛轉日／韓／泰！↓
↓【限時搶⚡】Louiscocoa鳳梨啤酒口味可可即沖營養代餐奶昔！↓
↓ 首創含微量酒精代餐 / 嚴選高級可可粉 / 加水即沖即飲！↓
