石塘咀街市大排檔 隱世大廚發圍 / 歎懷舊芝麻雞 棟篤企飛天麵

石塘咀街市熟食中心海記的廚房，不時傳來蓬蓬的炒鑊聲響。年輕老闆阿盛本來做電影剪接，早前在尖沙咀的酒吧不敵疫情而結業，見朋友的爸爸有意退休，又遇上入廚近 40 年的隱世大廚，便膽粗粗接手了海記。

text│Yan

　　偉師傅曾於多間粵菜酒家工作及曾在上市公司會所飯堂掌廚十多年，後來自立門戶開私房菜。一年多前與阿盛拍檔，遇上疫情在艱難時刻仍並肩作戰。

　　偉師傅有高檔粵菜背景，為大排檔小炒注入私房菜的精緻。如今可以吃到昔日海鮮酒家經典脆皮芝麻雞、以有機豆漿自家製豆腐等。海鮮也講究，清晨於香港仔漁市場入貨，新鮮星斑、瀨尿蝦和奄仔等都養在自設的鹹水缸，即叫即劏；也可按客人要求預訂刁鑽海鮮。

　　也要必吃偉師傅拿手的飛天麵，此麵講火喉和心機，師傅三爬兩撥便將麵條炸得企身兼「反地心吸力」，脆口乾爽，影相呃 like 也一流！配豉椒鮮油汁又得，豪氣點配蘇格蘭蟶子皇或上湯焗龍蝦也無不可！

【info】
海記海鮮大牌檔
地址：西環石塘咀皇后大道西 470 號石塘咀市政大廈 2 樓熟食中心 CF1 號舖
電話：2857 0388、6255 2343（WhatApp）
營業時間：星期一、二、四至六 11am - 2pm、5:30pm - 10pm，星期日 5:30pm - 10pm，星期三休息

📲 入App睇海量食買玩住 Video：https://onelink.to/ulapp8

豉椒蘇格蘭蟶子皇飛天麵 $78、蘇格蘭蟶子 時價（約 $68 隻）
飛天麵剪開後淋上醬汁，仍然香脆可口。平民點可配豉椒鮮油汁，貴氣點可選香港仔魚市場買來的豉椒蘇格蘭蟶子皇或上湯龍蝦。

脆皮芝麻雞 $128 半隻、$238 隻
師傅採用 2 斤 12 両、皮薄肉多的本地雞，以蛋白上皮，風乾 5、6 小時再炸。芝麻脆口不焦，雞肉嫩滑鮮香，極考師傅控制火喉的工夫。

陳皮欖角鮮肉 $138 
偉師傅私房菜館招牌，排骨十分入味，陳皮香味不會過濃，加上欖角的鹹香，最啱撈飯撈麵。

自家製野菌豆腐 $108 六件
豆腐也是自家製，以有機豆漿製作，天然富豆香，零化學石灰味，加上野菌，簡單家常。

油鹽焗海奄仔蟹 時價（8 - 10 両，約 $198 隻）

如意金盞 $120 六件
靈感來自潮州名菜石榴球，蛋皮自家製，薄而香口，餡料有帶子和蝦等海鮮粒，加上沙葛和芹菜，清爽香口。

涼粉西瓜盅 $388 
這款舊式筵席西瓜盅，不知多久未吃過！選用南洋西瓜配涼粉，起肉挖空樣樣都係心機。

油鹽焗海奄仔蟹 時價（8 - 10 両，約 $198 隻）
師傅只在找到爆膏奄仔時才會供應，這兩隻 8-10 両的爆膏超肥，簡單地做鹽焗，逼入鹹香。