米芝蓮馬拉菜館捲土重來 蔡瀾都話 Good / 原班人馬煮出最強喇沙！

老牌馬拉菜館莎巴，不但曾被著名食家蔡瀾先生大讚，他的著作《蔡瀾常去食肆》也詳細介紹過，還得過米芝蓮推介，但 2019 年因不敵租金結業，一眾熟客及街坊大感可惜，其經典海南雞飯、肉骨茶的味道難道只能留在回憶中？

text│Kathryn

直至今年年中，老闆葉生跟拍檔見疫情緩和，決定捲土重來，在原區重開。門面設計跟舊店相若，舖位雖細了一半，但餐牌菜式有舊有新，唯一沒有改變的是味道。
葉生一臉自豪地說：「蔡 san 上月來幫襯過，跟朋友將近試晒整個餐牌，他說味道做得好好。」餐廳重開，由原班人馬主理當然能做返正宗味道。招牌海南雞飯、肉骨茶、海鮮叻沙、炸香蕉仍能 encore。

　　他們製作肉骨茶極花時間，會將湯底和豬骨分開煮，先熬骨後煲湯，逼出豬骨味道才加入腩排、當歸、黨蔘、杞子、紅棗、桂圓及甘草等熬 4 小時，所用的藥材比普通貨貴 2、3 成，湯味格外甘甜濃郁，是揼本揼心機之作。

　　新菜式則有馬拉麥皮大蝦、海南雞喇沙、乾炒奶油青口、五香肉卷等，將傳統馬拉菜加點變化做出新面貌。奶油蝦、奶油蟹則換成奶油新西蘭青口；除了炸香蕉也多了炸榴槤球‥‥‥新舊菜式都值得一試。

【info】
莎巴馬來西亞餐廳
地址：灣仔灣仔道 177-179 號保和大廈地下 1 號舖
電話：5922 2218
營業時間：10:30am - 4:30pm、5:30pm - 9pm

📲 入App睇海量食買玩住 Video：https://onelink.to/ulapp8

海鮮喇沙 $88 碗
湯底以椰漿、咖喱粉及馬來西亞香料煮成，椰香及香料味濃郁，配魷魚、魚片、白魚蛋、蝦、青口及豆卜，米線可轉摻摻。

海南雞飯 $105 份
三黃雞雞味重又皮薄，配甜豉油、秘製辣椒醬及薑蓉，油飯用珍珠米拌雞油，油香十足。

馬拉麥皮大蝦 $88 份
這新菜用馬來西亞大隻虎蝦，沾上炸麥皮、斑蘭及咖喱葉炸，十分香口。

咖喱雞酥 $88 份
鬆脆酥皮內是馬拉咖喱薯仔及雞肉，咖喱辛香十足又不算很辣。

乾炒奶油青口 $98 份
青口配奶油醬，味道酸酸甜甜，鮮味突出。

肉骨茶 $98 份
肉骨茶湯底先熬豬骨再熬湯，這樣做湯色清澈又能煲出更濃肉味，加藥材熬，湯味甘香而不苦，洋溢藥材味，腩排亦軟腍入味。