尖沙咀潮流玩具主題餐廳「Awesome Bar & Cafe」 墨汁海鮮寬麵/自家製漢堡包/炭火燒牛板健/Bearbrick公仔

發佈: 2024.02.02
文: 簡思倫

尖沙咀有一間以潮流玩具為主題的餐廳「Awesome Bar & Cafe」,餐廳擺滿多款潮流玩具和藝術品,當中包括過百隻人氣Bearbrick及米奇老鼠等公仔。另外餐廳更提供多款輕食、主食及甜品,喜歡Bearbrick或潮流玩具的朋友不妨去試試啦!

同場加映:U Food【簡易廚房】最新影片!

餐廳門口擺放了一隻巨型米奇老鼠公仔,而樓梯兩旁則排滿了多隻Bearbrick公仔,打卡一流!餐廳用膳區設計時尚舒適,設有多個卡座,亦有大玻璃窗可以望到街外的噴水池,非常寫意。

輕食方面,餐廳提供多款沙律及吐司,例如藜麥沙律 ($88)蘑菇配意大利奶酪芝士吐司 ($48)煙熏三文魚吐司 ($38)牛油果吐司 ($68),當中的酸種麵包更是每天新鮮製造,口感鬆脆又綿密。另外亦有全日早餐 ($108;新張優惠:$98),有齊炒蛋、烤番茄、蘑菇、香腸、酸種麵包、沙律及薯餅等,非常豐富。

肉食方面,餐廳提供香脆五花肉 ($148)炭燒鱸魚配蛤蜊 ($198)烤羊架等。而牛肉控則必試炭火燒牛板健 ($238),牛板腱肉質軟嫩,牛味香濃,再淋上燒肉汁非常惹味。

特別推介餐廳主打的自家製漢堡包 ($168),當中的漢堡肉,肥瘦比例完美,咬落去鬆軟多汁, 再配搭特選芝士及松露薯條,更添滋味!

尖沙咀潮流玩具主題餐廳「Awesome Bar & Cafe」   墨汁海鮮寬麵/自家製漢堡包/炭火燒牛板健/Bearbrick公仔

主食方面,海鮮控不能錯過墨汁海鮮寬麵 ($198),有齊牡丹蝦、蜆肉、魷魚等海鮮,墨魚汁製成的寬麵不會讓客人食到唇齒變黑。而素食者則可以選擇西班牙寬麵條 ($108),由菠菜泥、炸大蒜、蕃茄及自家製菠菜麵條製成,味道清新健康。

飲品方面,餐廳提供多款酒精飲品、Mocktail、果茶及咖啡選擇。

最後當然少不了甜品啦!朱古力控必試布郎尼($88),外皮酥脆,內餡香甜濃郁,再配搭雲呢拿雪糕,非常吸引。另外還有蛋糕及雪葩等甜點。

按圖睇Menu:

Awesome Bar & Cafe

地址 :尖沙咀科學館道14號新文華中心商場地下1D及1樓100號舖

營業時間:星期一至日 08:00 - 00:00

電話:59702736

 

圖片來源:IG@awesomebarcafe

↓【限時搶⚡】 Midea美的25公升氣炸焗爐!↓

↓ 結合「氣炸」同「烘焙」︱0.2秒即熱︱7種烹調模式↓


↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓

more