召集食肉獸!灣仔有間老字號茶餐廳「新景園咖喱小廚」,小店已開業超過30年,是不少灣仔街坊和上班一送的飯堂。必試新景園名物「巨無霸咖喱豬扒飯」,即炸豬扒份量十足,超大塊夠晒飽肚,酥脆富肉香~另外還有街知巷聞的人氣乾炒牛河,夠晒有鑊氣!
同場加映:U Food【開箱速遞】最新影片!
港式地道茶記「新景園咖喱小廚」屹立灣仔30多年,有不少街坊捧埸客支持。餐廳午市供應碟頭飯及炒粉麵,晚市還有小炒和煲仔菜。
咖喱豬扒飯($94)
放滿兩大塊即炸豬扒,巨無霸咖喱豬扒比臉還要大,差不多是二人份量!生炸豬扒金黃酥脆,厚肉富肉汁,肥瘦適中,啖啖肉不嚡口,而炸漿亦夠薄身,不會跟肉分離。
豬扒飯另附獨立一碗咖喱汁,港式咖哩香口帶微辣後勁,還有陣陣椰香,加上入味薯仔,撈飯食一流。
餐廳長期有人龍排隊光顧,堂食多人時會截龍,建議預早排隊等候,或提早打電話外賣。午市時段(11:30am - 3pm)更有特價飯盒外賣($52)供應,有咖喱豬扒飯(一塊豬扒)、鮮茄豬扒飯、豉汁蒸排骨飯、梅菜蒸肉餅飯等,性價比高。除了招牌名物咖喱豬扒飯外,大家別錯過小店的乾炒牛河($95),同樣是人氣菜式!乾炒牛河充滿鑊氣夠火喉,牛肉入味,食落不會太油膩。
新景園咖喱小廚
地址:灣仔春園街20號地舖
營業時間:星期一至六 午市11:30am - 2:30pm|晚市6:30pm - 8:30pm(逢星期日及公眾假期休息)
電話:2574 9172
授權轉載:IG@852hkfood、feivouritefood、aiii_foodie