食肉獸有口福啦！來自日本的日式炸豬排店「豚勝 Tsukanto」由日本米芝蓮星級大廚創立，最近正式登陸圓方，在香港都可以試到日式滋味~豚勝的吉列炸豬扒選用日本熊本Rindo豚肉，經慢煮處理，鬆脆且肉嫩多汁，亦提供多款定食選擇，有興趣的朋友切勿錯過！
Click圖睇Menu：
「豚勝 Tsukanto」由米芝蓮大廚大橋先生Naotaka Ohashi 創立，首間香港店選址九龍圓方 ELEMENTS。Tsukanto 豚勝在日本東京、靜岡、福岡等地共有6間分店，今次更是首度登陸香港開返海外分店。豚勝炸豬扒講究用上日本熊本Rindo豚肉，肉味甘香濃厚，配合法式慢燉技術，豬肉經真空低溫慢煮兩小時，再沾滿麵包糠炸至金黃酥脆，肉質軟嫩同時保留肉汁。
推介特選吉列豬柳定食（$198），豬柳肉質鬆軟，保持外脆內嫩，點上芝麻豬扒醬更惹味。如果食豪少少，可以試試招牌熊本特等吉列厚切豚肉定食（$328），選用的豚里脊肉部位肥瘦適中，而且厚切口感更豐富。各款定食搭配的白飯和椰菜絲都可以免費添加。
除了白飯，大家可以選擇搭配滑蛋飯或咖喱飯。滑蛋吉列珍寶廣島蠔定食（$228），廣島蠔有三大粒，鮮味十足，而且炸粉不會過厚，搭配滑蛋更開胃。咖喱吉列宮崎雞扒定食（$228）同樣足料，雞扒嫩滑，更搭配炸溏心蛋。
海鮮控不如試試吉列大海老配冷蕎麥麵（$218），炸蝦分量十足，口感彈牙，可以選擇搭配冷熱蕎麥麵或烏冬。
小食推薦吉列里肌豬扒三文治（$168/3件），鬆軟豬扒搭配多士、生菜絲和秘製醬汁，非常開胃！
甜品有香草雲呢拿雪糕 配京都宇治抹茶（$58），雪糕奶味香濃，搭配微甘抹茶好match。原個菠蘿雪葩（$98）打卡Able之餘夠曬消暑。餐廳的檸檬燒酌都好有特色，特別加入超過10個檸檬提煉，並需要30日時間準備，入口清新開胃。
豚勝 Tsukanto
地址：尖沙咀柯士甸道西1號ELEMENTS圓方火區1樓1002號舖
營業時間：星期一至日11:30-21:30
電話：23313822
圖片來源：IG@tsukantohk
↓【免費送🎁】微熱山丘全新造型香蕉窩夫餅乾禮盒100盒！↓
↓ 進駐香港十週年大贈送│送埋香港獨家限量版布袋～↓
↓【必收藏】最新深圳食買玩攻略！↓
↓ 大灣區一小時生活圈！最新打卡熱點／熱門美食等！↓
