經常三心兩意，有選擇困難症？咁就要搵一個美食匯聚點，先可以隨時滿足到你各項要求！黃埔天地一向係美食最強陣地，一出黃埔港鐵站，梗有美食喺左近。即刻跟住我哋搵食啦～
黃埔站B出口必食推介：
和風最強：立鮨、天下茶屋
立鮨嚴選日本豐洲新鮮海產直送入饌，並堅持採用高級的赤醋飯，確保品質上乘，依家時令秋刀魚當然少不得，其三點盛合各具特色，秋刀刺身鮮甜美味，配埋人見人愛嘅海膽，自然大滿足。
而專研日式咖喱及丼飯嘅天下茶屋，價格實惠，CP值超高，鍾情鰻魚嘅人士絕不能錯過蒲燒鰻魚帆立貝溫泉蛋丼，啖啖香滑惹味，試過即愛上！
（左）立鮨：秋刀魚三點盛合、秋刀刺身、日本膽大滿足
（右）天下茶屋：蒲燒鰻魚帆立貝溫泉蛋丼
飯氣最強：天丼てんや
鍾意食蕎麥麵嘅人有福了！天丼てんや餐單內嘅餐點均份量十足，必食推介則要數其帆立貝盛合配凍蕎麥麵，內有青森帆立貝、刺身帆立貝、赤鯛、黑虎蝦、啡菇等，料多而精緻，最啱三五好友邊吃邊傾！
帆立貝盛合配凍蕎麥麵用料紥實，份量豐盛，即使係男孩子都能捧腹而歸。
健康最強：原作米線養生湯米線
以養生作為宗旨嘅原作米線養生湯米線，湯底一飲就知其不凡！招牌海龍皇湯米線味道層次豐富，內有龍蝦、蜆肉、蝦仁等多款海鮮，鮮味十足！而蟲草花膠雞湯米線湯底濃郁香滑，花膠滋陰養顏，蟲草花有益肝腎，湯底滴滴精華，令人一飲而盡。
招牌海龍皇湯米線及桃膠椰子雞湯米線，滋補潤澤啱時候！
秋冬滋補甜品最強：Sweet Craft
以韓式刨冰雪糕店打響名堂嘅Sweet Craft，其入口即溶嘅特別粉雪冰，成為唔少網美打卡必點之物，其粉雪冰口感軟綿幼滑，絕對係秋冬想轉換口味之選。鍾意清新口感嘅話，提子乳酸粉雪冰亦係不二之選；而絲滑可可粉雪冰則受大眾愛戴！想試特色口味，則必點意啡冧酒粉雪冰，為舌尖送上一點新意！
提子乳酸粉雪冰口感獨特，造型別緻，打卡吸Like必食之物！
黃埔站C出口推介：
西餐最強：Amber's Table、Niksen Koffie、時新漢堡飽
廚師班底全來自香港麗思卡爾頓酒店嘅Amber's Table，主打意大利餐及西餐，食客只須以親民價就可以享受高質六星級酒店水準，單講CP值已經贏盡全城；而Niksen Koffie則為寵物友善及提供生酮健康餐選擇嘅餐廳，有毛小孩嘅食客就啱晒啦~至於時新漢堡飽就更加唔使講，屹立紅磡半世紀，係港式漢堡始祖，童年回憶番晒嚟！
（左）Amber's Table美國特級安格斯斧頭扒足有1,200g，肉汁豐富有嚼勁，最後以一客梳乎厘作句號，食肉獸們怎能抗拒！
（中）Niksen Koffie 63˚溫泉蛋田園卡邦尼，意粉煮得恰到好處，醬汁濃郁細緻，配上甚有看頭嘅煙肉條及爆汁溫泉蛋，係情迷卡邦尼嘅食家們必試之物。
（右）來到時新漢堡飽，當然不能錯過滿滿童年味道嘅雙層漢堡芝士蛋包！牛肉彈牙有勁，配埋波浪薯條及生炸大雞脾，小時候嘅回憶即時重現！
熱辣辣之選：鮮入圍煮、潮潮居(潮州菜)、巧饍坊、詠藜園四川擔擔麵
鮮入圍煮以大片花膠作火鍋湯底而聞名，既滋潤又養生，是入秋進補最佳之選。
而以高質潮洲菜為主嘅潮潮居，當然唔可以錯過原隻鮑魚扣鵝掌，定必能征服味蕾。
鮮入圍煮全新花膠雞火鍋，花膠原片軟腍入味，雞肉亦幼滑不柴皮，絕對係進補佳餚
潮潮居(潮州菜)招牌菜式紅燒潮州翅絕對係饕客必食之選。
另外，由有「隱世刀神」、國家級廚師主理嘅巧饍坊，以巧手工序研出宮廷菜式，最特別之處是餐廳以素食為主，而且價錢親民，給素食人士驚喜連連。詠藜園四川擔擔麵，多年來獲奬無數，更連續13年獲米芝蓮推介，祖先為清朝御廚，所以菜式不少均源自祖傳秘方：必食招牌擔擔麵濃厚馥郁，味道層次豐富；另蜜汁火方亦見功夫。
巧饍坊嘅宮廷素蟹粉單看造型已攞滿分！而紅燒素海參惹味香口，絕對係白飯小偷！配上可愛別緻嘅剝皮香蕉饅頭，無論視覺抑或味覺，都一樣出色。
詠藜園四川擔擔麵嘅蜜汁火方惹味吸引，配上巧手秘製嘅功夫熏鱼及咕嚕蝦球，簡單中見不平凡。
黃埔站Ｄ出口推介：
熱辣辣之選：小聚嚐鮮主理
小聚嚐鮮主理則以精緻傳統粵菜為主，必食之作則首選腐乳汁蒸西江鱔，懷舊味道正宗獨到，令人回味。
小聚嚐鮮主理嘅腐乳汁蒸西江鱔集鮮甜與濃香於一身，味道傳統正宗，愛鱔之人必食之選；另外糯米釀雞翼、陳皮棗肉蒸走地雞及招牌胡椒豬肚雞湯也是巧工夫之作，值得捧場。
資料由客戶提供
【U Lifestyle聖誕寵粉企劃🎄】12月大激賞！
↓勁送超過3000份獎品！簡單兩步免費參加↓
↓【限時搶】大派便利妥3合1檢測盒！↓
↓ 使用簡單快捷，一次檢驗3種病毒！↓
