唔少人都希望深入研究法國烹飪藝術，但要裸辭飛去法國深造，對香港人來說非常奢侈。不過唔使灰心，而家就有好消息帶比你！煤氣烹飪中心將聯合享譽全球嘅Disciples Escoffier法國廚師會，共同舉辦「烹飪文憑課程」，畢業後嘅同學仔將獲得法國政府認證嘅執業廚師資格！熱愛烹飪又或者夢想開餐廳嘅你，想知有咩課程內容、點樣報名，就要留意今次介紹啦！
「星」級加持！將烹飪興趣轉為成功事業
由煤氣烹飪中心聯同Disciples Escoffier法國廚師會於香港開辦嘅一系列傳統法國專業烹飪文憑課程，豐富課程經過精心設計，並有多個範疇可供選擇，如「法國烹飪藝術文憑課程」、「法國糕餅藝術文憑課程」、「法國烘焙藝術文憑課程」等，無論你對邊個領域有興趣，呢一系列課程相信都可以滿足你嘅需求！
喺法國，要以個別專長執業就必須通過相關考試，連廚師都唔例外，所以今次煤氣烹飪中心聯同Disciples Escoffier法國廚師會開辦嘅專業烹飪文憑課程，正正切合有關方面嘅需要。修畢課程嘅學員可獲法國廚師會頒發「法國Disciples Escoffier文憑證書」及法國教育部頒發的「法國廚藝訓練證書」，亦即係等同於具備喺法國開設法國餐廳或當執業廚師嘅資格。
自2014年起，煤氣烹飪中心獲得唔少名人明星熱捧，如梁詠琪、劉心悠、梁祖堯、苟芸慧等超過十多位知名明星都曾經報讀烹飪文憑課程。如果你都想成為佢地其中一員，就一定唔可以錯過啦！
3大藝術文憑課程 內容豐富完善
煤氣烹飪中心嘅課程會於設備完善嘅煤氣烹飪中心進行，讓學員可以輕鬆留港學習，掌握全面嘅廚藝技巧。
煤氣烹飪中心所開辦嘅「法國烹飪藝術文憑課程」共需540小時，過程當中，學員將學習刀具及食材嘅運用、法國菜嘅烹調理念及技巧，以及擺盤設計等多方面嘅知識，讓學員具備成為一位熟練法國廚師嘅資格。
另外，煤氣烹飪中心亦有提供全長504小時嘅「法國糕餅藝術文憑課程」，課程會為學員提供傳統及現代法國糕點嘅全面培訓，包括petits fours、millefeuille、gâteaux de voyage等。想藉此擴闊視野、提升創造力，製作出高水準嘅糕餅，就一定要參加啦！
而喜歡製作麵包嘅你，就可以選擇涵蓋多個方面嘅「法國烘焙藝術文憑課程」，由基礎嘅法國麵包知識，到傳統及現代麵包製作技巧，都一一囊括。學員除咗會學習製作麵包嘅技巧外，亦將學習到營運咖啡廳嘅商業知識等，為將來希望以職業發展嘅學員打下堅實嘅基礎。
星級面授課程 Ｘ 米芝蓮餐廳實習機會
不得不提嘅係，煤氣烹飪中心課程均聘請米芝蓮、或其他星級餐廳法國大廚以英語教授，同時會因應學員嘅進度及天賦因材施教，助學員全面發揮潛能。另外，考慮到唔少學員仍為在職人士，各課程均設有日間及夜間課堂可供選擇，自由度大增！
此外，學員更有機會獲Disciples Escoffier法國廚師會安排到米芝蓮星級餐廳實習，近距離向米芝蓮大廚「偷師」，並學習如何管理一間餐廳，透過累積實戰經驗，為日後轉戰飲食業做好準備！
實現夢想關鍵 立即了解更多課程資訊！
新一屆法國Disciples Escoffier「烹飪藝術文憑」、「糕餅藝術文憑」及「烘焙藝術文憑」課程現正招生，想把握機會進一步提升自己專業技能，成為專業法廚，踏上國際級烹飪大師之路，就要快快加入煤氣烹飪中心嘅藝術文憑課程啦！
有興趣了解更多？你可先參與以下法國Disciples Escoffier專業烹飪文憑課程簡介會！
「法國烹飪藝術文憑」課程簡介會
日期：2023年11月7日（星期二）及11月27日（星期一）
時間：3pm-5pm／7pm-9pm
「法國糕餅藝術文憑」及「法國烘焙藝術文憑」課程簡介會
日期：2023年11月17日（星期五）
時間：3pm-5pm／7pm-9pm
參加免費簡介會：https://forms.office.com/r/A771v9z2af
課程查詢及報名：6928 5359
辦公時間：9am-7pm
煤氣烹飪中心地址：銅鑼灣利舞臺9樓
電郵：towngas.cooking@towngas.com
課程內容可瀏覽相關網站：http://escoffier.towngascooking.com
（資料由客戶提供）
