鬼金棒全新姊妹拉麵店 40 公斤牛骨炮製極濃牛骨湯 / 超豪 A4 和牛做配料

發佈: 2024.01.09
文: U Magazine

東京人氣過江⿓辣麻味噌拉麵店鬼金棒,最近喺銅鑼灣總店旁新開咗間姊妹店⿁⾦棒牛骨湯拉麵,主打用上 40 公斤牛腿骨熬製的奶白湯頭,牛骨湯濃度足足達到 10 度,鮮香甘甜更勝韓國嘅雪濃湯。全球只此一家,就連日本的鬼金棒本店都無得食,今次香港率先飲到頭啖湯!

text│Onki photo│Jay

7 個月研發 「世一」牛骨湯底拉麵

以麻辣湯底打響名堂的鬼金棒,湯頭本以秘製濃厚味噌混和豬骨、雞骨及海鮮熬製煮而成,今次社長忽發奇想要打造出「世一」極濃牛骨湯底拉麵,不惜工本地用了 7 個月時間研發,經反複測試後,最終決定只用大量嘅牛腿骨來熬煮出沉厚滑溜嘅牛白高湯,呷一啖已感受到牛脂與牛骨完美融合,配極掛湯嘅拉麵啖啖有牛骨香。

愛吃麻辣嘅朋友,可以在牛骨湯底中加入加入⿁⾦棒獨⾨秘製味噌湯底,辣度由多款辣椒配製,而麻味則來自和歌⼭的葡萄⼭椒,5 種麻度及 5 種辣度自由組合出 25 種湯底變化配搭,食到上癮。

潮跟日本人食法 拉麵要配牛丼飯

拉麵配白飯是日本人的定番食法,不過來到新嘅⿁⾦棒就唔係畀碗白飯碗拉麵咁悶蛋,菜單上有秘制醬汁慢煮牛筋丼及月見安格斯牛肉丼兩款丼飯,用 4 個鐘慢煮的牛筋入味彈牙;安格斯西冷牛肉嫩滑多汁,撈埋隻生鷄蛋拌飯,濃郁的蛋黃裹在米粒上,一碗嘗盡人間美味!

慢煮西冷做成嫩滑的叉燒,上枱前會加上醬汁煎香,怪不得特別惹味香口。

特上 A4 和牛牛骨拉麵 $165
兩大片豪奢版的特上 A4 和牛叉燒,以火槍炙過 A4 和牛牛後腿肉叉燒,入口嫩滑,牛油脂香濃郁,層次豐厚。

辣麻牛油拌麵 $105、增量牛叉燒辣麻牛骨拉麵 $135(後)
將西冷的油脂大火猛炸後製作油渣,再用上小量牛白湯和特製醬油組成醬汁做成牛油拌麵,配搭洋葱、牛筋、牛叉燒和牛油渣,打造出獨家的港日聯乘創意油渣麵。

增量牛叉燒辣麻牛骨拉麵 $135
用上西冷來製作叉燒,細火慢煮,肉質更顯軟嫩,上桌前會用秘製醬油煎香,成片叉燒被惹味醬汁完美包覆,肉汁更顯惹味。

芫茜辣麻牛骨拉麵 $120
堆疊到成座山高的海量芫茜下是滿滿的叉燒及配料,特別訂製的幼直麵條掛滿濃郁的湯汁,一口一啖 索盡辣麻湯底的芫茜,過癮!

味玉辣麻牛骨拉麵 $110
碗底加入濃黑的拉麵醬汁,濃厚鹹香牛骨湯底鮮甜,鋪上洋葱、香蔥、玉米筍、牛筋、味玉及叉燒,配料豐富。

月見安格斯牛肉丼 $90

安格斯西冷牛叉燒口感軟嫩,撈京葱煮的特製醬汁、日本生蛋黃及綿糯的日本米飯,惹味到食完拉麵都可以成碗牛肉丼完食!

秘製醬汁慢煮牛筋丼 $55
熬煮 4 小時的牛筋味濃而不鹹,軟嫩而不化,澆上濃濃的日本秘製麵豉醬汁,佐飯一流。

 

【info】

⿁⾦棒牛骨湯拉麵
地址:銅鑼灣謝斐道 528 號
電話:2838 9190
營業時間:11am - 12mn 

↓【限時搶⚡】Kilo Calo慢煮即食雞胸套裝!↓

↓ 雞胸經低溫慢煮烹調!/ 提供研製多時的獨特口味!↓


↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

more