【新年團年飯餐廳推介 2024】農曆新年就快到啦!想搵間好餐廳同屋企人食團年飯?今次推介九龍灣德福廣場最新四間餐廳,由米芝蓮北京填鴨、全港首10位最佳漢堡店、文青風Café到地道台菜都有得揀,啱哂你同屋企人、同事、朋友食團年飯,即睇下文詳細介紹!
1.【北京樓】— 招牌北京填鴨
親朋戚友聚首一堂食團年飯,首選當然是老少咸宜的傳統中菜,北京樓曾連續三年榮獲米芝蓮一星推介,餐廳美饌包括各款經典京淮名菜,必試屢獲殊榮的招牌菜「烤北京填鴨」,嚴選上等北京嫩鴨,皮脆肉嫩不油膩。另有鮮甜的松子桂花魚、雪花松葉蟹拑、北京宮爆明蝦球等名菜,同樣滋味十足。
北京樓
地址:九龍灣偉業街33號德福廣場1期1樓F20號舖
訂座電話:2758 2883
2.【牧羊少年咖啡館】— 悠閒Cafe輕食
作為第10間分店,九龍灣牧羊少年咖啡館裝由得獎設計公司打造悠閒舒適的氛圍,最適合同閨蜜去打卡Chill一下。推介英式早午餐,包括意大利黑松露醬炒滑蛋、挪威煙三文魚、德國香草腸、希臘乳酪、法國核桃杏脯包等,Share食份量啱啱好。至於紅石榴大蝦菲達芝士沙律 配紅莓油醋汁賣相吸引,微酸清新又開胃,適合追求健康的朋友。
牧羊少年咖啡館
地址:九龍灣偉業街33號德福廣場1期平台P26號舖
電話:3468 3233
3.【燈籠滷味】— 台灣過江龍 夜市美食
發跡自台北師大夜市的燈籠滷味,俾你同死黨喺香港都能食到地道台灣菜!餐廳主打台灣直送滷湯麵食和飯類、台式小吃、台式飲品,當中新開張的九龍灣德福廣場分店更有新店限定的燈籠秘醬香蔥雞飯、嘉義燻茶鴨・滷肉飯、花生香芋鮮奶沙冰等。必試招牌燈籠滷味,滷味以秘傳配方滷湯熬煮至鮮香入味。此外還有選用台灣大甲芋頭的芋泥肉鬆起司蔥抓蛋餅、惹味的麻辣鴨血野菜冬粉,俾你新年同朋友聚餐,都有去咗台灣旅行嘅感覺。
燈籠滷味
地址:九龍灣偉業街33號德福廣場1期1樓F23號舖
電話:2328 6696
4.【b.o.t.h By Texas Burger】— 全港最佳漢堡店之一
同公司同事食團年飯,不妨搞搞新意思,破格來一頓西式團年飯,Lunch大魚大肉一番增進感情!Texas Burger 曾經榮獲LifeStyleAsia 評為「全港首10間最佳漢堡店」之一,作為分店的b.o.t.h By Texas Burger 出品漢堡包同樣足料爆餡,食肉獸必食慢煮煙燻美國有骨牛小排(2人份),帶骨牛小排以低溫慢烤,外層焦香且肉嫩多汁,帶陣陣煙燻香。咖啡帶骨豬鞍扒亦有驚喜,選用油脂分佈平均的加拿大豬鞍,肉質鬆軟嫩滑。豬鞍扒更特別以秘製醃料和Nutty的咖啡粉醃製,加上Kahlua 咖啡酒調配的醬汁,帶出豬鞍濃厚的肉味,別有風味。
b.o.t.h By Texas Burger
地址:九龍灣偉業街33號德福廣場2期5樓510-513號舖
德福廣場 四大團年飯餐廳推介:
- 北京樓
- 牧羊少年咖啡館
- 燈籠滷味
- b.o.t.h By Texas Burger
德福廣場
地址:九龍灣偉業街33號德福廣場
不妨去九龍灣德福廣場,推介4間團年飯餐廳:北京樓、牧羊少年咖啡館、燈籠滷味、b.o.t.h By Texas Burger。