編輯部熱選年糕 金獅奶黃年糕 / 黑松露淮山糕 / 大師姐牛肝菌素蘿蔔糕

發佈: 2024.01.26
文: U Magazine

年糕款式萬千,蘿蔔糕、蔗糖年糕、芋頭糕、馬蹄糕、紅棗糕、黃金糕⋯⋯全部都咁好食,唔知入手邊款好?迷失在年糕海的朋友,唔使驚,不如參考一下編輯部熱選,看看邊款 / 邊幾款啱你食。

text│sieg

【中庭│蔗汁馬蹄糕】

蔗汁馬蹄糕 $208、早鳥價 $177
香港會議展覽中心中庭飲茶口碑不俗,更被記者在這裏找到其他品牌較少推出的蔗汁馬蹄糕,以蔗汁及馬蹄做,清甜不膩。

X.O.醬臘味芋頭糕 $288、早鳥價 $245
沒有花巧,只用上乘臘味、蝦米、瑤柱及 X.O.醬製作,加埋芋頭多多,粉少料多,香惹得令人一次要吃一底!

info
地址:灣仔港灣道一號香港會議展覽中心 1 樓
訂購網址:https://www.tablecheck.com/zh-TW/hkcec-the-atrium-takeaway/reserve/message
備註:
1. 2024 年 2 月 4 日或之前訂購可享 85 折
2. 換領日期為 2024 年 1 月 27 日至 2 月 8 日,須於最少 3 天前預訂

【大師姐│矜貴牛肝菌素蘿蔔糕】

日本大根蘿蔔糕 $398
飲食界名人大師姐一向重視靚料,這款用上清甜不澀的日本大根製作,一向是熱賣款式。料多粉少,一啖吃晒海味、臘味及蘿蔔,當中蝦米勁好味,天然生晒,與大根清甜互相輝映。

椰汁年糕 $268
馬來西亞新鮮椰漿製作,椰汁味香甜,最讚的地方是質地非常黏軟,令人欲罷不能。

薑汁黑糖年糕 $268
鍾意黑糖或薑味的朋友,這款不能不買,大師傅用上薑味濃郁的天然帶泥帶皮老薑及台灣原糖製作,加埋調節得很好的黏軟程度,年年都大賣㗎!

法國牛肝菌素蘿蔔糕 $368
無咗臘肉與海味,好多人都彈素食蘿蔔唔夠香、唔夠美味,大師姐因此不惜工本,用上菌香極濃郁的法國牛肝菌炮製,加埋冬菇與紅棗,讓素食蘿蔔糕一樣味道豐富。

info
訂購網址:www.dashijie.com.hk
備註:1. HKTV Mall 大師姐旗艦店 、吃喝玩樂、Asia Miles 亞洲萬里通 、東亞銀行 BEA Mall、The Club 平台亦有發售
2. 各 city'super、銅鑼灣 SOGO 祟光、太古城 APITA、金鐘太古廣場 GREAT、尖沙咀谷辰亦有發售

【超羣│日本櫻花蝦蘿蔔糕】

日本櫻花蝦瑤柱蘿蔔糕 $198、$98(1 月 27 日前)、新春價 $108(1 月 28 日至 2 月 8 日)

傳統做法的蘿蔔糕加上上等的日本櫻花蝦,增加口感之餘,鹹香的海味味道令蘿蔔糕更香口惹味。

大紅大紫禮盒 $218、早鳥價 $138(1 月 27 日前)、新春價 $148(1 月 28 日至 2 月 8 日)

包括棗皇糕及日本紫薯年糕,紅棗糕水準不錯,紅棗味香甜,後者則加了日本紫薯糕,少咗傳統年糕的膩感。

info
備註:各超羣餅店有售

【國金軒│巧手金獅奶黃年糕】

金獅獻瑞吉祥禮盒 $888
新春佳節見到舞龍舞獅,一定上前派下利是討個好意頭,米芝蓮中菜廳國金軒今年推出這款極巧手的奶黃年糕,造型栩栩如生,靚到令人唔捨得食!金獅獻瑞代表喜財臨門,今年揀這款年糕,龍年一定橫財就手!禮盒更配以陳年普洱茶葉。

金箔燕窩花香椰汁凍糕 $488
甜糕之選仲有這款加入矜貴燕窩的凍糕,椰汁凍糕分層漂亮,由上至下分別是桂花、椰汁年糕、玫瑰及椰汁年糕層,上面放上印尼燕窩及矜貴的金箔,寓意富貴,想攞意頭必買。

info
訂購網址:https://www.mira-eshop.com/zh/cny-pudding
備註:銷售至 2024 年 1 月 31 日,現貨可於 2024 年1 月 30 日至 2 月 8 日換領

【COVA│年糕 x 朱古力禮盒】

棗蓉年糕•榛子朱古力禮盒 $458、巴馬火腿蘿蔔糕 $298、巴馬火腿芋頭糕 $298
COVA 今年推出了 3 款兩鹹一甜年糕,蘿蔔糕尤其有心思,加了意大利名物巴馬火腿,鹹香比選用雲腿的味道柔和。

巴馬火腿蘿蔔糕禮盒 $298
蘿蔔糕用上鹹香柔和又略帶甜味的巴馬火腿做,矜貴美味,配以高貴大器的鮮紅色禮盒包裝。

棗蓉年糕•榛子朱古力禮盒 $458
COVA 的榛子朱古力 fans 萬千,甜甜的年糕就配上 8 顆朱古力,中西甜食也是好應節。

info
訂購網址:https://order.cova.com.hk
備註:可於即日至 2 月 7 日取貨

【都爹利會館│XO 醬年糕禮盒】

都爹利蘿蔔糕 原價 $348、新春幸運套裝 $668
這米芝蓮一星食府的出品,以足料取勝,蘿蔔糕料多粉少,不妨選擇禮盒,盒內有一支蘿蔔糕好伴侶──都爹利秘製 X.O. 醬,瑤柱多多,是完美配搭。餐廳另有芋頭糕及年糕發售。

info
地址:中環都爹利街一號上海灘 3 樓
電話:2525 9191
訂購網址:https://duddellscny.com/
備註:換領日期為 2024 年 1 月 30 日至 2 月 8 日

【壹玖捌叁│煙燻臘味蘿蔔糕】

鴻運高陞·蘿蔔糕至尊禮盒套裝 $438
一盒兩個的蘿蔔糕不盡相同,除了普通版的蘿蔔糕,總廚 Silas 更創作了一款煙燻版本,糕內的臘味以上等茶葉、竹蔗、茅根和黃糖等煙燻過,更吊出肉香。兩款蘿蔔糕均用上乘材料製作,如日本乾瑤柱、特級蝦米以及本地頂級臘腸和臘味。

info
地址:跑馬地載德街 2-4 號雅怡閣 1 樓
電話:9029 2093(WhatsApp)
備註:取貨日期為 2024 年 1 月 29 日至 2 月 7 日

【city'super│日本食材靚糕】

city'super 北海道元貝蘿蔔糕 $238、北海道紅豆椰汁糕 $188、沖繩黑糖紅棗年糕 $188
超市的買手一向要求高,推出年糕也由他們挑選頂尖的日本材料入饌,蘿蔔糕用上清甜的日本大根配北海道元貝、駿河灣產櫻花蝦、大分縣冬菇;紅豆糕用了北海道的紅豆,棗王年糕用了沖繩黑糖及加入黑糯米,可輕易啖到靚食材滋味。

info
電話:2736 3866
訂購網址:https://online.citysuper.com.hk/
備註:1. 尖沙咀海港城、中環 ifc、銅鑼灣時代廣場、沙田新城市廣場、啟德 AIRSIDE 店均有發售

【1957 & Co.│抵食靚糕禮盒】

瑤柱臘味蘿蔔糕 $218、賀歲椰汁年糕 $218
餐廳集團今年推出賀歲糕點禮盒,一套包括了瑤柱臘味蘿蔔糕及賀歲椰汁年糕,蘿蔔糕用上上等瑤柱、肥瘦適中臘味製做,會吃到蘿蔔絲,而椰汁年糕則椰香出色,軟糯美味。設買五送一優惠。

info
訂購網址:https://1957-co.eber.co/
備註:1. 赤の匠、權八居酒屋、北海丼、安南、Mango Tree、家上海、Paper Moon 及十里洋場有售
2. 換領日期為 2024 年 2 月 1 至 24 日,須於 2 天前致電換領地點預留

【翠亨邨│黑松露淮山糕】

黑松露淮山糕 $318
翠亨邨出品一向高水準,今年的新糕有這款,選用了鮮淮山片及沙葛製作,加了不少矜貴的黑松露,啖啖都是松露幽香,淮山糕味道輕怡,注重養生的朋友啱不啱食呢?

info
訂購網址:https://www.mira-eshop.com/zh/cny-pudding
備註:銷售至 2024 年 1 月 31 日,現貨可於 2024 年1 月 30 日至 2 月 8 日換領

【半島精品店│矜貴鮑魚蘿蔔糕】

星廚原隻鮑魚XO辣椒醬蘿蔔糕 $688、豐足年糕組合 $868
紅棗薑汁年糕 380克 - 2 盒
由米芝蓮星廚鄧志強師傅炮製,非常矜貴,加入原隻南非鮑魚、北海道元貝,使用香港製造的臘腸及问入了半島馳名的 XO 醬,啖啖名貴,過年就係要豪一點!而年糕組合則包括傳統年糕或紅棗薑汁年糕 2 盒。

info
地址:尖沙咀梳士巴利道半島酒店商場地庫 BL1 號鋪
訂購網址:https://www.peninsulaboutique.com/hk/zh/

【帝苑軒│至尊靚料蘿蔔糕】

帝苑軒至尊蘿蔔糕 $408
帝苑軒的蘿蔔糕選料一定無得輸,大廚何師傅選用每個 2 斤重的韓國蘿蔔,加上本地製造臘腸及臘肉,以及特級蝦米製作,單是上述材料已超過蘿蔔糕一半,煎香後會吃到不少 1cm 闊的蘿蔔條,味道清甜又帶臘味油香。

如意芋頭糕 $318
如果你是芋頭糕 fans,這款也是必試,粉少芋頭多,又充滿臘肉香氣。酒店同時推出和氣陳皮蓮子紅豆糕、金玉馬蹄糕、鴻運薑汁年糕,以及吉祥椰汁年糕、招財瑤柱蘿蔔糕及造型富貴錦鯉禮盒。

info
地址:尖沙咀麼地道 69 號帝苑酒店 B2 層
電話:2733 2900
訂購網址:https://bit.ly/3SYMoau 

↓【限時搶⚡】 Midea美的25公升氣炸焗爐!↓

↓ 結合「氣炸」同「烘焙」︱0.2秒即熱︱7種烹調模式↓


↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓

more