牛頭角誠意糖水小店 $25 石磨芝麻糊 / 薑汁湯丸 / 煙韌糖不甩

發佈: 2024.02.08
文: U Magazine

坊間不少糖水店,吃一碗糖水,定價已升至 30 多元,價錢分分鐘拍得住吃頓午餐,記者在牛頭角發現有間糖水小店,價錢親民,不少糖水,如薑汁湯丸、石磨芝麻糊、白果薏米腐竹以及蓮子紅豆沙等,也是定價 $25,價錢有吸引力,而且平還平,用料做法都好優質。

店主阿龍曾在糖水店工作多年,去年開始自立門戶賣傳統糖水,亦找來擅於煲製糖水的媽媽幫忙,宗旨以真材實料的糖水奉客。當中最花心思的招牌糖水便是石磨芝麻糊,他們每天早上六點開始自家製作,先將黑芝麻混合白芝麻放於電動石磨機打磨 2 小時,直至磨出的芝麻漿幼滑無渣。然後再煲 15 分鐘令芝麻味道就更濃郁。由於做工多多,每磨一次只能煮出 50 碗,為確保客人吃到最濃郁及新鮮的芝麻味,快賣完再煮,一日能賣出大概 100 碗,好有心機。

其他糖水同樣真材實料,例如白果薏米腐竹,用原粒白果去殼去衣再切片,去殼去衣夠乾淨,煲出嚟就不會有澀味。想滋潤養生,記者推介你試試椰汁鮮奶燉桃膠,老一輩的不妨吃很有懷舊味道而且現今已很少糖水舖供應的花生糯米麥米粥。

糖不甩更與坊間不同,表面多加花生碎包裹,咬落煙韌有香脆口感,九龍東嘅街坊行過不妨試試小店的糖水。

石磨芝麻糊 $25、石磨杏仁糊 $27(後)
兩款糖水都要每日以石磨機磨完再煮 15 分鐘,2 款糖水可雙拼溝埋一齊食。

石磨杏仁糊 $27

質地幼滑,杏仁味也清香,不會過於黏稠。

椰汁鮮奶燉桃膠 $30

桃膠要先用水洗浸 10 小時,再手動清走雜質再煮成,味道香甜滋潤。

糖不甩 $20

糖不甩表面黏上炒過的花生碎,為煙韌的糖不甩添加粒粒口感及香氣。

花生糯米麥米粥 $25

是坊間少見的懷舊傳統糖水,濃稠勁足料,麥米口感煙韌。

勁辣薑汁湯丸 $25

湯丸做得皮薄餡靚,食味與口感都不錯。薑汁夠辣。

【info】
龍記甜品
地址:觀塘宜安街 27 號地下 J 號舖
電話:3480 1189
營業時間:12nn - 2am

↓【限時搶⚡】Kilo Calo慢煮即食雞胸套裝!↓

↓ 雞胸經低溫慢煮烹調!/ 提供研製多時的獨特口味!↓


↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓

more