日本麥當勞大熱楓糖鬆餅漢堡 香港有得食!隱世 Cafe 高質牛扒 All Day Breakfast

發佈: 2024.03.11
文: U Magazine

日本麥當勞從來都唔會令香港人同 Mark Zuckerberg 失望,好似早餐時段嘅 McGriddle 楓糖鬆餅漢堡,港人遊日早早起身都要吃!有得睇、無得喺日本食嘅朋友,屯門有一間 cafe 做港版 McGriddle。

text│sieg photo│權

這間 cafe 位於屯門村屋群內,有點隱世 feels,不過距離屯門市中心幾個輕鐵站,交通也相當方便。餐廳最近在屯門好紅,全因 cafe 追貼潮流,神還原日本麥當勞大熱的 McGriddles 楓糖鬆餅漢堡。

McGriddle 一共 3 款口味,包括芝士豬柳強、香辣炸雞牛油果以及有太陽蛋喺面嘅脆脆煙肉口味,當然唔少得肥美又好味嘅楓糖,周末更舉行班戟祭,除咗常設的豬柳強,仲有特別的班戟 menu,極邪惡、極誘惑!

小店的咖啡及食物水準亦不錯,尤其是 all day breakfast,全日早餐唔只大路的炒蛋、茄汁豆及香腸,廚師落足料,有牛扒、煙燻三文魚,不用炒蛋換成自家製的煙肉粒薯仔沙律,多士亦換成 croffle,非常抵食有誠意!咖啡用巴西豆,由本地烘焙商提供,啡味醒神,仲有加橙汁或加奶蓋的飲法,花俏得令人想試。

餐廳更特別製作了巨型 McGriddles 道具畀食客用來打卡,食完漢堡記得現下。

神還原芝士豬柳強鬆餅漢堡 $88(配脆薯寶)
鬆餅厚身煙韌有口感,豬柳沒有過鹹又幾多肉汁,麵包中間也加了楓糖,甜甜鹹鹹,高卡肥美但教人吃不停嘴。

香辣炸雞牛油果鬆餅漢堡 $88(配脆薯寶)
炸雞處理得不錯,乾脆不油,又厚肉,少少辣,配牛油果也是極多人點的。

Luxury all day $128
包括牛扒、薯仔蛋沙律、煙三魚、croffle、粟米及芝士大啡菇等,其中粟米更是店主日日用新鮮粟米拆粒,大份有誠意。

蜜糖芥末煙肉美國粗薯條 $58
粗薯條外脆、裏面薯肉多,配自家調製的蜜糖芥末汁,magic touch 絕對是脆脆煙肉乾。

檸檬蟹膏蟹肉意粉 $118
以蟹膏即叫即炒,意粉裏混了不少蟹肉,炒得香惹好味。

Orange 橙啡 $48
吃完 McGriddles 不妨點這極加了橙汁的,酸酸甜甜,可以清一清味蕾。

海鹽奶蓋 Americano $48
咖啡用上巴西豆,醇香咖啡味濃郁,拌勻帶少少鹹香的海鹽奶蓋,像吃珍奶,但卻是精品咖啡。

招牌新墟凍奶茶 $28
這裏的凍奶茶也好出名,風格是茶味重於奶味。

【info】
新墟咖啡
地址:屯門新墟徑新墟村 2 台 33 號地舖(輕鐵新墟站步行 2 分鐘)
電話:6466 0516
營業時間:星期二至日 10am - 6pm,星期一休息
備註:3 款楓糖鬆餅漢堡連脆薯寶 $88 一款

 

↓【限時搶⚡】Kilo Calo慢煮即食雞胸套裝!↓

↓ 雞胸經低溫慢煮烹調!/ 提供研製多時的獨特口味!↓


↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓

more