大阪王將回歸 apm 開店 高推明太子沙律口味 自選餃子炒飯套餐

喺不少美食廣場都見到的日式餃子店大阪王將，幾年前全線分店稍稍結業，成了香港人懷念的美食品牌之一。最近大阪王將回歸了，選址 apm 美食廣場重開，餐單一樣以餃子為主，亦保留了餃子炒飯套餐，開業不久都幾好生意，觀塘嘅朋友放飯快啲嚟朝聖！

text│sieg photo│Jay

大阪王將闊別香港幾年，重新在觀塘 apm 美食廣場 Food Fiesta 重新開業，形式跟以往分別不大，提供 5 款餃子、2 款套餐及幾款小食。

餃子當然由日本製造，餡料為椰菜豬肉，每份 6 隻，分別有原味、明太子沙律、大阪燒、芝士及胡麻芫茜 5 款餃子，即叫即煎，繼續保持大阪王將皮薄香脆的特點。

原味餃子 $48
原味餃子餡料為椰菜豬肉，用鐵板煎得非常香脆，配一包經典餃子汁。

大阪燒餃子 $52、芝士餃子 $52（下）
大阪燒口味加了大阪燒汁及木魚，而芝士味撒了芝士粉及芝士醬，前者酸酸甜甜很開胃，後者芝味濃郁，令人停不到口。

明太子沙律餃子 $54
餃子上唧上明太子沙律醬及紫菜，明太子鹹香十足，加理沙律醬正好 balance 口味。

胡麻芫茜餃子 $52
茜人必選！餃子上加了勁量的新鮮芫茜，配上胡麻醬更加開胃好吃。

王將餃子 + 日式炒飯套餐 $68（附汽水，波子汽水加 $12）
客人可以從 5 款餃子中自選一款，配即叫即炒的鐵板炒飯，夠晒飽肚，唔怕食餃子唔夠飽了！

和風雞翼（三隻） 套餐加 $24
雞翼可以取代餃子成為套餐主食，選餃子套餐的亦可加錢追加，追加小食另有日式燒賣 3 件。

【info】
大阪王將
地址: 觀塘觀塘道 418 號創紀之城五期（apm）美食廣場 2 樓 Food Fiesta
電話：從缺
營業時間：11am - 9pm