中環新開韓式兩餸飯店JOA $68足料辣炒豬肉/韓式炸雞

發佈: 2024.03.25
文: 黎穎琛

中環美食│中環兩餸飯│港式兩餸飯可能食得多,但韓式兩餸飯又有沒有食過呢?最近中環新開一間韓式兩餸飯小店JOA 조아,由韓國老闆主理,$68就食到快靚正的正宗韓國小菜,份量超足料,現在更推岀開幕優惠,$98歎到一大盒韓式炸雞,中環打工仔又多個午餐選擇啦!

同場加映:U Food【識食攻略】最新影片!

最近中環新開一間韓式兩餸飯小店,由韓國老闆主理,$68就食到正宗韓國小菜,開幕不足一個月,老闆話午餐時間都會大排長龍,先選主食,有齊白飯、炒粉絲、生菜,選擇困難症想每樣食少少更可以揀混合,再選2款主菜,主菜款式多達10多款,老闆表示韓式炒牛肉和泡菜炒豬肉最受歡迎,份量好足料超抵食!五花肉肥瘦相間,味道濃郁,重口味人士必試!仲有多款冷盤,想食清淡一點都好多選擇,最後揀埋醬汁就食得,淋上韓式辣醬超惹味!

現更推出開幕優惠 ,$98歎到一大盒韓式炸雞,私心推介甜酸和甜辣兩款口味,炸雞即叫即炸,拎上手熱辣辣,大大嚿之餘雞肉十分嫩滑,中環打工仔放飯不妨來一試!

JOA 조아

地址: 中環利源東街26號

 營業時間: 星期一至日 11:00–23:15

↓【免費送🎁】Patisserie Tony Wong全新花形系列蛋糕!↓

↓立即拎走3款口味:芒果椰子+朱古力紅桑莓+柚子芝麻!↓


↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

more