愚人節2024|各品牌大鬥創意 IKEA番茄炒蛋新地/壽司郎港式壽司/譚仔外賣車

發佈: 2024.04.02
文: 陳菱櫻

愚人節2024|愚人節玩笑|又到4月1日愚人節!各個品牌爭相出抽水post來應節,有IKEA番茄炒蛋新地、壽司郎港式壽司、譚仔外賣車等,十分搞笑有創意,大家喜歡那一個愚人節玩笑?

同場加映:【識食攻略】最新影片

愚人節2024|1. IKEA:番茄炒蛋新地

IKEA新地一向受大眾歡迎,適逢愚人節,特意推出「媽子番茄炒蛋新地」,家常菜番茄炒蛋變成雪糕新地,大家夠膽試嗎?有網民留言「有冇食安風險先」、「小編阿媽好唔得閒」、「如果toppings有少少蕃茄同炒蛋咬吓仲正」、「我要溫泉蛋新地 」。

 

愚人節2024|2. 壽司郎:港式壽司

今次壽司郎在愚人節推出期間限定港式壽司,有充滿童年回憶的啫喱糖,也有沙嗲牛排壽司,還有靈感來自餐蛋治的烤午餐肉・玉子燒雙味,最後有紅豆艦,大家想試哪一款?有網民提議「五香肉丁sushi」,也有人表示想試,「全部都想試, 最好有埋五香肉丁軍艦同回鍋肉拉麵」、「你夠膽出,我夠膽幫襯」、「其實真係有得諗喎,迎合香港人口味🤣」。

 

愚人節2024|3. Pizza Hut:空氣感至尊批

Pizza Hut推出全世界最Light 的「空氣感至尊批」,叫大家一齊食空氣!Pizza Hut形容新品「咬落去嘅每一啖,都能夠品嚐到輕盈嘅感覺」,還標榜「每一塊批都0糖分、0脂肪、0卡路里」。

 

愚人節2024|4. Pepper Lunch:黑椒燶牛鐵板飯

Pepper Lunch愚人節搞笑推出𝗟𝗼𝗼𝗻𝗴 𝗡𝗴𝗮𝘂 𝗣𝗲𝗽𝗽𝗲𝗿 𝗥𝗶𝗰𝗲(黑椒燶牛鐵板飯),四月一日限定可以吃到燶牛肉。Pepper Lunch玩字,「世(肆)一鐵板飯」、「飛躍LOONG(龍/燶)出道」。限定鐵板飯「以超.高熱將牛肉爆燒至焚焦狀態」、「每一啖入口嘅都有滿滿濃烈且脆口嘅炭焦塊」,大家想試嗎?

 

愚人節2024|5. 麥當勞:滑嘟嘟出沒

麥當勞4月1日提大家可能有滑嘟嘟出沒,「有冇人今日成功野生捕獲到佢?」有網民提議出「提子味奶昔」,也有人表示很懷念滑嘟嘟,現在的小朋友也可能不認識麥當勞叔叔和他的朋友了。

 

愚人節2024|6. KFC:買D24榴槤葡撻送榴槤味洗衣珠

KFC指榴槤經常被人歧視,於是推出「沉浸式嘅榴槤體驗」,買D24榴槤葡撻即送DoDoME榴槤味洗衣珠1包(8粒),滿身都是榴槤香氣。

 

愚人節2024|7. Indomie:營多美顏精華

營多推出3款美顏精華,包括醬油精華、蒜油精華、辣油精華,不浪費每個調味包!

 

愚人節2024|8. 譚仔三哥米線:過橋橋橋橋橋橋橋米線

譚仔三哥限定推出「過橋橋橋橋橋橋橋米線」,一次過試勻7款湯底和17款配料!

 

愚人節2024|9. 譚仔雲南米線:譚仔外賣車

譚仔在長洲開設分店!譚仔姐姐專程推外賣車到長洲街道,還有特大魚蛋!

 

愚人節2024|10. 爭鮮:「飯裡藏鮮」御膳餐盒

今次爭鮮這個「飯裡藏鮮」外賣御膳餐盒最適合用來惡搞,一反轉飯盒,是滿滿的刺身,大家不要被飯盒表面騙到!

 

 

資料來源:譚仔雲南米線譚仔三哥米線Indomie 營多撈麵 - 香港KFCMcDonald'sPepper Lunch Hong KongPizza Hut Hong Kong & MacaoSushiro HK 香港壽司郎IKEA 宜家家居Sushi Express Hong Kong(爭鮮)

↓【限時搶⚡】Kilo Calo慢煮即食雞胸套裝!↓

↓ 雞胸經低溫慢煮烹調!/ 提供研製多時的獨特口味!↓


↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓

more