$168 位 90 分鐘點心放題 15 款點心主菜任點│平絕尖沙咀│燒賣蝦餃勁高水準

大家係咪同記者一樣，萬事以慳為原則，吃飯都要格過價？精打細算嘅，呢個午市點心放題就唔好錯過，$168 位仲要包茶芥，真係平絕尖沙咀，任食點心及主菜貴精不貴多，15 款點心同主菜任點，水準唔錯，提提大家，咁筍嘅點心放題供應至 4 月 21 日，想吃要把握時間囉！

採訪│katty 拍攝│Kee

點心放題於 11:30am - 1pm 及 1:15pm - 2:45pm 供應，供應 15 款點心及主菜，價錢實惠，但點心無交行貨，不少都比傳統點心多了些創意。最特別是鹹蛋黄墨魚燒賣，燒賣裏加了墨魚之外，還有驚喜鹹蛋黃流心；近年流行食酸菜魚，師傅也特別設計了一款酸菜魚餃，魚餃大大隻，裏面仲有大大件酸菜魚肉，睇賣相都感覺到足料及份量。另外，也有一款創意煎腸粉，不用 XO 醬改以惹味的沙嗲汁、加埋牛鬆炒，惹味得令人吃到停不了口。

蘿蔔絲酥同鹹水角都值得推介，無花巧，但酥皮做得好，酥紋細緻平均，一咬外層酥脆，蘿蔔多汁夠甜；而鹹水角皮亦做得脆口煙韌，看得出師傅工架。

一樣任點任吃的叉燒包及黑金流沙包，兩款望落平平無奇，但內裏非常足料，吃黑金流沙包時，切記小心，一搣爆出香甜熱辣的奶皇流沙，包子不算大，食到幾個也唔會飽到胃頂頂。

90 分鐘、15 款點心，份量上枱速度無投訴，兩位收費 $379，午市點心放題每位 $168，連加一人均 $185，可謂平絕尖沙咀，喺尖沙咀飲茶不便宜，一般都 $250 元起跳，難得有酒家把放題定價定很咁便宜，只能說 CP 值很高，放題供應多 2 星期左右，大家唔好錯過。

90 分鐘午市點心放題 $168 位（包茶芥，設加一）
星期一至日及公眾假期均有供應，分 11:30am - 1pm 及 1:15pm - 2:45pm 兩個時段。

筍尖蝦餃皇、鹹蛋黄墨魚燒賣、松露野菌晶瑩餃、潮州粉粿、酸菜魚餃
蝦餃燒賣做很有心，尤其是燒賣，餡料加了墨魚肉，中心仲有鹹蛋黃流心；紫色的松露野菌餃，雜菌炒很惹味多汁；潮州粉粿澄麵皮晶瑩。

筍尖蝦餃皇
賣相幾近完美，皮薄蝦又多，單點原價一籠要 $78，吃多幾件真的可輕鬆回本。

鹹蛋黄墨魚燒賣
非常有創意，燒賣裏加了墨魚粒粒，加添口感，最驚喜是中間有鹹蛋流心，加少少鹹香，令燒賣有另一種風味。

酸菜魚餃
大件足料，有大大片魚肉，口味創新。

蘿蔔絲酥、一口黃金豆腐、鹹水角（前起）
蘿蔔絲酥酥紋細密，非常鬆脆，裏面有炒得香甜多汁的蘿蔔絲；一口豆腐金黃挺身；鹹水角水準不俗，外皮脆口煙韌。

蘿蔔絲酥的蘿蔔不少，多汁夠甜。

桂花糕
賣相精緻，桂花糕質地仲掌握很好，軟滑彈嫩，桂花味與甜味也恰到好處。

濃湯蠔仔泡飯
怕食點心唔飽肚，有蠔仔湯飯可點，睇睇蠔仔煮得飽滿、唔會縮晒水，新鮮鮮甜，還要讚讚湯底煮很足味。

笑口叉燒包、黑金流沙包
即叫即蒸，叉燒包記者很喜歡吃，裏面的叉燒多多，醬味香甜；流沙包吃時要小心，搣開即爆出熱辣流沙奶皇。

笑口叉燒包
叉燒包包皮軟滑，裏面的蠔王叉燒不少，非常足料。

豌豆桃子
做成豌豆淡綠色的桃子包，賣相精緻，見到師傅手工。

【info】
潮藝館
地址：尖沙咀彌敦道 63-67號 國際廣場 iSquare 602 舖
電話：3102 0810
午市點心放題時段：11:30am - 1pm、1:15pm - 2:45pm
備註：設加一